Header Ads

  • Berita Tebaru

    Virus rabies di Sarawak deka terus dipunas

    Datuk Dr Sim Kui Huan
    KUCHING: Sarawak nadai pilih bukai, lalu deka nentuka peranak nengeri tu beresi ari virus rabies, ku Menteri Opis Kunsil Kandang Menua Datuk Dr Sim Kui Huan.

    Iya ngenataika penyinu pengudah siku lelaki ke beumur 59 taun ari Jalai Batu Kawa- Matang dikenuku positif rabies lalu nyadi mansa ketujuh di Sarawak.

    Ngasuh aku balat sinu ku iya, mansa enda diperubat enggau betul pengudah diketup ukui ba bulan November 2017.

    “Virus nya begunaka timpuh dua tauka tiga bulan sebedau datai ke untak. Ari perati, mansa 99 peratus deka nadai sereta 1 peratus idup. Tu ukai pekara ke manah.

    “Ketegal nya, kitai meseti majakka pengawa ngelaban keruga virus tu ngambi ulih nentu peranak Sarawak beresi ari virus rabies,” ku iya ba Makai Lemai Majlis Bandaraya Kuching Selatan (MBKS) di seiti hotel ditu, malam ensanus.

    Sekretariat JPBN Sarawak nengah surat penerang berita madah lelaki nya kala diketup ukui kena 27 November 2017 lalu udah diperubat di klinik pribit di Mengeri Kuching ba hari ke sama.

    Tajapia mansa enda dibai ke fasiliti Pengerai Perintah ngambi vaksinasyen kena 20 Januari.

    Iya ngasai diri sakit sereta lemi kaki lalu dipasuk ba spital pribit kena 24 Januari tu tadi.

    Iya udah nya dibai ngagai Spital Besai Sarawak (HUS) kena 25 Januari ngambi tau diperubat enggau silik ke alai kes nya mandangka tanda hydrophobia, hallusinasi enggau agresif.

    Ngenang kaul ke sama, Dr Sim nengah penerang di Facebook madah mansa benung sakit raya di Spital Besai Sarawak (SGH).

    Iya madah bisi betemu enggau mansa 3 minggu ke udah tang iya (mansa) enda madah diri enda diberi tuchuk vaksin nya.

    Iya netap, tuchuk vaksin nya ulih dipinta pechuma ari spital perintah tajapan beungkus RM1,600 ungkup empat dos lalu ngelalau orang ti diketup ukai datai berubat di sepital perintah enggau lengkas. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: