Header Ads

  • Berita Tebaru

    WWF-Malaysia sedia bekerejasama enggau pekebun mit industri sawit di nengeri tu

    LOGO: Tabung Alam Sekitar Sedunia Malaysia
    KUCHING: Tabung Alam Sekitar Sedunia Malaysia (WWF-Malaysia) sedia nempa kerejasama sereta gawa enggau pekebun mit industri sawit di nengeri tu.

    Programme Leader Sarawak, WWF-Malaysia Jason Hon madahka, berindik ari pekara nya WWF-Malaysia numbuhka konsep ‘best management practise’ dikena mantu pekebun mit industri nya.

    “Kami ngemeran chara bekebun betanam ti manah nengah best management practise ti diatur nengah bengkel.

    “Nambahka nya kami bisi nyendiaka latih HCV ngagai pekebun mit tu kelimpah ari nyukung sida bekaul enggau setipikit,” ku iya.

    Hon mansutka pekara nya lebuh bejuraika keretas kereja ‘NGO’s role In supporting good agriculture practices for oil palm smallholders’.

    Iya bejuraika nya nyerumba ‘Certified Sustainable Palm Oil Forum: The Way Forward, Sarawak’ ke diatur Majlis Pensijilan Minyak sawit Malaysia (MPOCC) ba sebuah hotel ditu,kemari.

    Hon madahka tuju sida mantu nya setipak enggau juluk sida bekaul enggau minyak sawit iya nya deka ngubah makit ngasilka pengenan minyak sawit ke lalu nyaga kampung, utai idup sereta mensia.

    Ku Hon, WFF-Malaysia bekaul rapit enggau ejensi pemaju tanah, pengempu kebun bedandang besai enggau pekebun mit industri sawit.

    Nitihku iya, WWF numbuhka Sustainable Market Programme (SMP) - Sustainable Palm Oil, baka nempa kerejasama enggau MPOCC sereta RSPO dikena ngenegapka standard enggau dikena nambahka penyedar enggau ngajar penguna enggau orang dagang pasal tu.

    “Kami (WWF) bekerejasama enggau pemeli sereta kilang dikena kami ngelakuka penetan guna enggau bekal kelimpah ari bekerejsama enggau kompeni dikena ngasilka portfolio ti tan,” ku iya seraya madahka nya sekeda ari inisiatif ke dipejalaika WWF. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: