Header Ads

  • Berita Tebaru

    23 kaban TM nyereta JKM Miri nyuaka tulung tasah angus

    NGEMBUAN PENYIRU : Sekeda ari kaban TM begambar nyadika kenang ba taba baru rumah panjai ke angus nya.
    MIRI: Urung 23 iku kaban Terabai Menua (TM) nyereta Opis Pengintu Pengelantang Pendiau Raban Bansa (JKM) Bagi Menua Miri nganjung tulung ngagai sida ke tasah angus ba Rumah Langat Anthony Collin di Nanga Majang, Tinjar, kena Hari Empat tu tadi.

    Pemangku chairman TM Wilfred Nassem madah, penyauh ngenataika diri ngagai rumah panjai nya sida serabn deriba pengelama sejam ari Miri ke Lapok lalu ari nya sida bela ngena perau pengelama dua dua sebedau datai ba palan ke dituju.

    “Tu endang atur ke pro aktif gerempung dikena nulung raban ke enda bidik lansik.

    “Sida ke angus rumah ukai semina nerima bantu belanja tang mega barang ke diguna ninting hari , tambah mega sida begunaka sukung enggau peransang pengudah rumah enggau reta tengkira abis angus,” ku iya.

    Wilfred madah, naka diatu sida chukup begunaka barang ke guna ninting hari.

    Jaku lalau TM Mark Jengo iya nya deka meri terima kasih ngagai semua kaban ke udah meri diri nyengakaum semua kaban volunteer dalam mantu enggau ngemujurka pejalai nyengkaum sida ke meri belanja dikena nentuka program tu mujur.

    Berebak enggau nya urung 70 iku peranak rumah panjai nya lengis reta tengkira lalu semnina tinggal gari ba tubuh pengudah rumah sida 37 pintu nya angus kena Hari Tiga tu tadi. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: