9 Briged udah mujur ngatur Program Meri Darah ba Star Megamall - Berita Iban Online

Header Ads

  • Baru Nyadi

    9 Briged udah mujur ngatur Program Meri Darah ba Star Megamall

    GAMBAR PENGIAS
    SIBU: Briged Kesembilan Infantri Malaysia (9 Briged) udah ngatur Program Meri Darah Renggat 9 Briged ba Star Megamall ditu, kilah ensana.

    Program ti diatur sida begulai enggau Unit Tabung Darah Sepital Sibu tu ngembuan tuju deka nyaup Sepital Sibu nambahka bekal darah beserimbai enggau Taun Baru China tu.

    Ba program nya, bisi 60 iku raban 9 Briged datai.

    Program nya mujur ngumpul 46 pain darah.

    Dikena ngelai bejadi program, chairman komiti pengatur, Sapit Komandan Rejimen 510 (AW) Leftenan Kolonel Zakaria Abdul Rahman nyuaka kambut darah ngagai pemesai Unit Tabung Darah Sepital Sibu Dr Cheng Jian Yuan.

    Sama bela datai maya tu iya nya Panglima 9 Briged, Brigedier Jeneral Dato Dzulkafli Mustaffa enggau bala pemesai ke bukai ari 9 Briged. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads