Header Ads

  • Berita Tebaru

    Abang Johari ngabang Taun Baru Cina ngagai kaban politik di Sibu

    NGARAP PANJAI UMUR: Abang Johari enggau Juma’ani disempulang (ari kiba) Salang, Vincent Lau, Uggah enggau Henry Lau (empat kiba) sereta bala bukai ngirau ‘Yee Sang’.
    SIBU: Kepala Menteri Datuk Patinggi Abang Johari Tun Openg udah ngabang Taun Baru China ngagai beberapa bengkah rumah kaban politik enggau raban korporat ditu, kemari.

    Penatai iya disempulang bini iya Datin Patinggi Datuk Juma’ani Tuanku Bujang.

    Kelimpah ari nya Sapit Kepala Menteri Datuk Amar Douglas Uggah enggau bini Datin Amar Doreen Mayang mega bisi datai enggau iya.

    Keterubah, Abang Johari ngabang ngagai rumah Ketuai Pemesai Eksekutif Kumpulan Taan Datuk Wong Kuo Hea ba T-Park Apartment Suite Block H 3-2, Lurung Sena 2.

    Nangkan ke nya, iya ngabang ngagai Rumah Direkter Kumpulan KTS, Dato Henry Lau ba No2, Jalai Lane 2, Jalai Tun Abang Haji Openg.

    Ba ditu, Kaban Parlimen Julau Datuk Joseph Salang Gandum enggau Sapit Direkter Kumpulan KTS Temenggung Datuk Vincent Lau bela datai nyambut penatai Abang Johari.

    Udah ba rumah Henry Lau, iya enggau bala bukai ngabang ngagai rumah Menteri E-Dagang ti mega Menteri Wang II Dato Sri Wong Soon Koh ba No 25, Lurung 20, Jalai Ipoh.

    Ke pengujung pengawa tu, iya ngabang ngagai rumah ex-Menteri Muda Pengerai Mensia Mayuh Datuk Dr Soon Choon Teck.

    Ngalihka malam iya ngulu Pengerami Taun Baru China ke diatur Gabungan Persatuan Cina (UCA) Sibu ba sebengkah hotel tebilang ditu.

    Hari siti (sehari tu) Abang Johari ngulu Pengerami Taun Baru China Parti Sa’ati Rayat Sarawak (SUPP) ba Dewan Suarah Sibu. #UtusanBorneo

    No comments

    Post Top Ad