Header Ads

  • Berita Tebaru

    Abang Johari putarka MA63 sebedau PRU14, ku Rapelson

    Rapelson Richard Hamit
    KUCHING: Kepala Menteri Datuk Patinggi Abang Johari Tun Openg meseti nentuka isu Sempekat Malaysia 1963 (MA63) diputar sebedau Pengawa Bepilih Besai Ke-14 (PRU14).

    Ketuai Bagi Nembiak Parti Bansa Dayak Sarawak Baru (PBDSB) Rapelson Richard Hamit madah isu MA63 chukup berat ba ati peranak Sarawak lalu Abang Johari patut nentuka isu nya diputar lengkas.

    “Anang kiruh madah parti politik ari luar enda ulih nentuka kuing Sarawak. Kemeratka isu MA63 ke dikedeka rayat,” ku iya nengah surat berita.

    Rapelson nambah, MA63 nyadi kunchi ba atur mulaika kuasa sereta hak ngagai Sarawak.

    Iya enda lantang ati enggau pengelemi Perintah Sarawak ti betuaika Abang Johari.

    Ku iya, Abang Johari udah meri peluang ngagai Perintah Besai ngambi pengeraja asal ke patut diempu nengeri tu.

    Iya beambika chunto pengawa Petronas ti udah nyual blok minyak ngagai seiti kompeni luar.

    “Blok minyak ba kandang tasik Sarawak dijual Petronas. Sekalika Perintah Sarawak enda nemu sentang pekara tu,” tanya Rapelson. #DayakDaily

    No comments

    Post Top Ad