Bah: Umbas nyalahka pangan diri tang patut pejalaika tanggungpengawa rama, ku Royston - Berita Iban Online

Header Ads

  • Baru Nyadi

    Bah: Umbas nyalahka pangan diri tang patut pejalaika tanggungpengawa rama, ku Royston

    Royston Valentine
    MUKAH: Mensia mayuh lebih agi sida ke besemak enggau sitak ti kena bah patut bejalaika tanggungpengawa rama diri empu.

    Chairman Serakup Nembiak Parlimen Mukah Royston Valentine madah, ulah nyalahka pangan diri bekaul enggau penyadi bah enda ulih mutarka penanggul.

    “Patut pejalaika tanggungpengawa diri empu dulu, gaga nama utai ke diulih laban ba kitai empu bisi pekara ke ulih digaga ungkup orang ke ngelinggi,” ku iya madah ngagai Utusan Borneo ensana.

    Iya madah munyi nya rambau dipinta nimbal pasal sekeda pengari rayat ke nadai ayan ba sitak diri maya penusah bah nyadi.

    Kenu ku iya, peragam ke chukup jampat ari sekeda piak bekaul pengari rayat ke nadai ayan ba sitak diri endang utai ke enda adil.

    Kebuah pia, orang ke nyadi pengari rayat ulih bejalaika tanggungpengawa iya nya nengah chara ngasuh raban pengereja pengawa.

    “Kebendar, bisi pengari rayat nadai ngabas tang sida bisi ngereja pengawa taja pan nya enda dipeda nengah sukut pengatur pengawa bah.”

    Ungkup pengari rayat ke ulih datai nyenguk jam kediatu taja ngembuan tusun pengawa ke mayuh, Royston madah nya endang pengelebih ba siku pengari rayat.

    “Tang anang beguai ngaga peragam, kelimpah mandingka pengulih sesiku pengari rayat, sekalika nya ari piak perintah tauka penyakal.” #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads