Header Ads

  • Berita Tebaru

    Barang dapur dijual murah dikena ngelempung tating belanja rayat

    Nogeh (tengah) benunung nulong bejualka minyak masak cooking oil pikit. Ari sepiak kanan iya Sallehhuddin.
    BAU:  Program ‘Jualan Sentuhan Rakyat’ di Pasar Bau kemari meri awak ngagai peranak ke diau ngelingi meli mayuh bengkah barang dapur nengah rega ke lebih mudah.

    Program pengelama 3 jam berengkah 10 pagi nyentuk ngagai 1 tengahari nya dipenyadi Sapit Menteri Betanam Betupi enggau Industri Asas Tani (MOA) Dato Anthony Nogeh.

    Bejaku ngagai pemberita, Nogeh madah program nyadi inisiatif perintah dikena ngurangka tating belanja dapur rayat.

    ‘Program tu keterubah iya diadu lalu deka mega digaga di Pasar Lundu.

    “Ba bulan April tu, MOA deka ngadu Program Feel Good di Bung Orad ditu lalu kitai deka ngadu pengawa bejual ke sama.

    “Program nya ila deka diatur FAMA enggau ijinsi ke dikuasa MOA lalu kitai ngarap KPDNKK ulih mantu,’ku Nogeh.

    Program kemari diatur di palan endur ngengkah entuka Pasar Ming Ming lalu diatur Palan Servis Parlimen Mas Gading nengah kerejasama MOA sereta dibantu KPDNKK enggau FAMA.

    Bela datai Sapit Sekretari MOA Dato Mohd Sallehhuddin Hassan sereta Sapit Chairman Kedua Balai Dagang enggau Industri Cina Kuching, Kr Chong Yie Loong. #UtusanBorneo

    No comments

    Post Top Ad