Header Ads

  • Berita Tebaru

    Chalun ulih menang UPP gerah jari mutar penyeranta Tiang

    Dato Andrew Wong
    SIBU: Chairman Rancangan Sibu 1.0 (RS1) ke mega chalun ulih menang Parti Rayat Bersatu (UPP) ungkup penuduk Parlimen Sibu Dato Andrew Wong entara orang ke gerah jari mantu sepintu ruang bilik ke seranta ba Jalai Salim-Stabau, ensana.

    Kelimpah Andrew, projek kunsi nya bela dipasuk Kaunsilor Wong Hie Ping sereta sekeda orang bukai iya nya nyeleti rumah ruang bilik nya sereta ngaga jalai bebatu nuju ngagai rumah nya.

    Sida ke dibantu tu iya nya Lucy Tiang diau begulai enggau tujuh iku anak iya lalu anak pengkuan iya beumur tiga taun.

    Laki Tiang baru udah nadai dalam beberapa bulan ke udah ketegal penyakit riman.

    Jerita penusah tu balat ngenyinuka Andrew, Hie Ping sereta bala bukai lalu sida berunding besaup meri bantu ngagai ruang bilik nya.

    Kena lemai ensana,  Andrew, Hie Ping sereta ke bukai bela ngabas ruang bilik nya seraya meda kediri empu pejalai projek ke udah digaga.

    Berebak enggau nya, Tiang meri besai terima kasih ngagai sida ke udah besaup meri bantu ngagai iya lalu ngasaika pemeri nya chukup besai reti dikena nempuh pengidup begulai enggau bala anak iya udah tu. #UtusanBorneo

    No comments

    Post Top Ad