Dr. Rahman, Abdul Karim, Julaihi, Dr. Annuar dipilih mandal baru presiden PBB - Berita Iban Online

Header Ads

  • Baru Nyadi

    Dr. Rahman, Abdul Karim, Julaihi, Dr. Annuar dipilih mandal baru presiden PBB

    MANDAL PRESIDEN BARU: (Ari kanan) Dr. Annuar, Julaihi, Dr. Abdul Rahman enggau Abdul Karim menang naib presiden PBB, ungkup sesi 2017-2020.
    KUCHING: Menteri Muda Elektrik Menua Pesisir Dr. Abdul Rahman Junaidi; Menteri Dagang Temuai, Seni, Main Asal, Nembiak sereta Lumba enggau Main Datuk Abdul Karim Rahman Hamzah; Menteri Muda Jalai Tebing Pantai Datuk Julaihi Narawi enggau Menteri Muda Pelajar enggau Pemansik Teknologi Dr. Annuar Rapaee nyadi Mandal Presiden Parti Pesaka Bumiputera Bersatu (PBB) Sesi 2017-2020.

    Julaihi ti mujur ngetanka penuduk nya teulihka undi pemadu tinggi iya nya 770 undi lalu ditangkanka Dr. Annuar (764 undi), Dr. Abdul Rahman (719 undi) enggau Abdul Karim teulihka 698 undi.

    Siku penyandang penuduk naib presiden parti nya enda mujur ngetanka penuduk iya nya Menteri ba Opis Kepala Menteri (Integriti & Ombudsmen) Datuk Talib Zulpili pengudah teulihka 329 undi.

    Dua agi chalon, Menteri Muda Betanam Betupi Abdul Rahman Ismail (585 undi) enggau Menteri Muda Perambu Mengeri, Pengatur Tanah enggau Rampa Menua Datu Len Talif Salleh (481 undi) enda mujur berebutka penuduk nya.

    Pemutus bepilih naib presiden ungkup Bumiputera nya dibantaika Chairman Tetap Datuk Amar Mohamad Asfia Awang Nassar. Sama bisi datai ba pengawa mantaika pemutus kemari, Sapit Kepala Menteri ti mega Sapit Presiden Datuk Amar Douglas Uggah Embas enggau ke bukai.

    Proses bepilih penuduk

    BARUMajlis Tertinggi PBB Sesi 2017-2020 maya Aum Besai PBB Ke-14 kemari bejalai enggau lanchar.

    Sebedau tu, tiga penuduk naib presiden ungkup Pesaka parti nya udah menang nadai belaban iya nya Menteri Utiliti Dato Sri Dr. Stephen Rundi Utom, Menteri Meda Pemansang Tanah Adat Datuk Roland Sagah enggau Sapit Speaker Kunsil Nengeri Sarawak Dato Gerawat Gala.

    Lalu Datuk Patinggi Abang Johari Tun Openg ke nyadi Kepala Menteri automatik nyadi Presiden PBB.

    Sapit Presiden parti ti nadai dipelaban udah disahka iya nya dua Sapit Kepala Menteri Datuk Amar Douglas Uggah (Pesaka) enggau Datuk Amar Awang Tengah Ali Hassan (Bumiputera).

    Mandal Presiden Kanan ti mega nadai belaban, Menteri Kerja Raya Dato Sri Fadillah Yusof (Bumiputera) enggau Menteri Pelajar, Sains enggau Pemansik Teknologi Dato Sri Michael Manyin Jawong (Pesaka).

    Bisi 16 Kaban Komiti Majlis Tertinggi Parti PBB ungkup Bumiputera Dato Ahmad Ibrahim; Datuk Ahmad Lai Bujang; Abdul Yakub Arbi; Zainuddin Ismail; Buang Bolhassan; Mohammad Razi Sitam (Saribas); Razaili Gapor (Beting Maro); Awla Dris (Simunjan); Dr Hazland Abg Hipni (Demak Laut); Yussibnosh Balo (Tellian); Pandi Suhaili; Simoi Peri (Lingga); Ripin Lamat (Lambir); Awangku Jinal Abedin Pengiran Jawa; Dato Juanda Jaya (Jemoreng) enggau Haidar Khan Asghar Khan.

    Lalu Kaban Komiti Majlis Tertinggi Parti ungkup Pesaka bisi 14 iya nya John Ilus (Bukit Semuja); Jefferson Jamit Unyat (Bukit Goram); Daniel Jubang Kanyan; Mikai Mandau; Hajis Japar Labaw; Dato Sri Dr James Dawos Mamit (Parlimen Puncak Borneo); Richard Tawan Sedu; Michael Mujah Lihan; Dennis Ngau (Telang Usan); Paulus Dandee Banyang; Dato Robert Laing Anyie; Asiang Gihep; Datuk Ambrose Blikau Enturan (Katibas) enggau John Nyigor. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads