Empat resolusyen dipejurai Orang Indu PBB dikemendar - Berita Iban Online

Header Ads

  • Baru Nyadi

    Empat resolusyen dipejurai Orang Indu PBB dikemendar

    Dato Sri Fatimah Abdullah
    Fatimah ngenuku resolusyen nya bekaul politik, sosial enggau ekonomi.

    KUCHING: Ketuai Orang Indu Parti Pesaka Bumiputera Bersatu (PBB) ke baru, Dato Sri Fatimah Abdullah madahka empat resolusi ke dipejuraika maya aum besai sayap Orang Indu ensana, udah dikemendar.

    Lebuh ditelefon Utusan Borneo, iya ngenukuka empat resolusi nya bekaul enggau politik, sosial enggau ekonomi.

    “Empat resolusyen ke dibantaika maya baum tadi udah dikemendarka.

    “Ba resolusyen keterubah kami enggau bebendar memperjuangkan hak kitai baka ke ditulis dalam Sempekat Malaysia 1963 (MA63) sereta nyukung penuh pengawa perintah ke deka nagih baru hak nya. Kelimpah ari nyukung Abang Johari nyadi Presiden parti enggau dua sapit presiden nyadi ketuai dalam PBB.

    “Kami deka ngenegapka raban orang indu ngambika sama diberi peluang nyadi ketuai kelimpah ngemeratka pengelantang orang indu enggau nembiak mit.

    “Lalu resolusi kepenudi ke dikemendarka iya nya bekaul enggau ekonomi. Kami deka ke orang indu sama diberi peluang nyengkaum dalam ekonomi digital,” ku iya ti mega bisi nyebut resolusi nya dalam aum pengarang berita ke diatur ba BCCK.

    Lebuh dalam aum pengarang berita, Fatimah madahka Pergerakan Wanita deka nentuka kaban PBB ulih terus entap nyadi kaban parti nya awakka ulih nyadi sebuah parti ke terus relevan.

    Ku iya, pekara nya deka nyadi agenda besai dipejalaika kelimpah ari ngerejista kaban baru parti enggau pengundi baru.

    “Deka nyadika PBB tetap relevan, kami ba Komiti Orang Ulu beratika siti agenda besai ke patut dipejalaika kitai iya nya kaban parti. Orang ke nyadi kaban PBB terus entap nyadi kaban PBB sereta enda mudah begisit tauka enda pindah ngagai parti bukai.

    “Lalu berebak enggau tu kitai mega patut ngerejista kaban PBB baru sereta ngerejista pengundi baru.

    “Naka bulan Disember 2017, pemayuh kaban PBB berejista iya nya Indu PBB (Bapa) bisi 323,043 iku, Orang Indu 153,962 iku enggau Raban Nembiak bisi 36,068 iku,” ku iya seraya madahka nya agenda besai sayap Orang Indu.

    Nambahka nya pekara tauka agenda ti dikemeratka Orang Indu iya nya penyerakup dalam PBB laban deka nentuka parti ulih terus kukuh, berindik ari PBB ti chukup dikemegah parti bukai sereta patut dipajakka.

    Iya ngarapka semua enda ngira sekalika ba renggat indu opis, pampang enggau ranting patut ulih sama nyukung Bumiputera enggau Pesaka.

    Setipak enggau iya ke nyadi Menteri Pengintu Pengelantang Pendiau, Pengelantang Raban Bansa, Orang Indu, Runag Bilik enggau Pemansang Nembiak Mit, iya mega beratka pengawa ngangkatka raban orang indu ngambika ulih sebela enggau raban lelaki tauka raban nembiak. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads