Header Ads

  • Berita Tebaru

    Gempuru PBB Ke-14 digulu 5,000 iku pengari

    KETUAI MENUA: Najib (bediri di tengah) begambar begulai enggau raban ketuai sereta kaban PBB di Kuching kemari. Bela dipeda Abang Johari (kiba Najib).
    KUCHING: Gempuru Besai Parti Pesaka Bumiputera Bersatu (PBB) Ke-14 ke diatur di Kuching berengkah 8 nyentuk ngagai 11 Februari digulu urung 5,000 iku deligit ari 82 pampang PBB.

    Pengawa parti ke pemadu besai di Sarawak nya nyadi gempuru keterubah diuluka Presiden PBB ke baru Datuk Amar Abang Johari Tun Openg, pengudah dichiri nyadi Kepala Menteri Sarawak ke enam kena 13 Januari 2017.

    Kededua sapit presiden Datuk Amar Douglas Uggah enggau Datuk Amar Awang Tengah Ali Hassan mega disah mangku pengawa rambau gempuru nya.

    Gempuru mega nempa Ketuai Bagi Nembiak ke baru iya nya Gerald Rentap Jabu enggau Ketuai Bagi Orang Indu ke baru Dato Sri Fatimah Abdullah.

    Dipenyadi Menteri Besai Datuk Seri Najib Tun Razak, gempuru mega ngenukuka pangku pengawa Dato Sri Fadillah Yusuf enggau Dato Sri Michael Manyin nyadi mandal kanan presiden.

    Najib ba jaku lebuh bejadi gempuru, madahka PBB nyadi sebuah parti politik ke tau nyadi chunto sereta teladan di Malaysia.

    Ku iya, ketuai enggau raban dalam parti udah berakup enggau manah sereta seruran sepenemu ba tetiap pekara.

    Entara ketuai lama enggau ke baru, entara Bumiputera Islam enggau Bumiputera ukai Islam, semua berakup, sepenemu dalam PBB, ku Najib. #UtusanBorneo

    No comments

    Post Top Ad