Header Ads

  • Berita Tebaru

    Gerald ngabang TBC ngagai komuniti Cina di Betong

    NGABANG TAUN BARU CINA: Rentap (duduk tengah) disempulang bini iya, Rosemarie (duduk tiga kanan) lebuh ngabang ngagai Kaban Komiti Gerempung Chung Hua Betong, Sik Sua Hua (lima kanan).
    BETONG: Kaban Kunsil Nengeri (ADUN) Layar ti mega nyadi Ketuai Pemuda Parti Pesaka Bumiputera Bersatu (PBB), Gerald Rentap Jabu enggau bini iya, Rosemarie Wong udah mujur ngintu pengerami hari besai Taun Baru Cina di Betong, lalu ngena awak nya ngabang ngagai bala tuai komuniti Cina di Betong.

    Entara rumah komuniti Cina di lawa sida iya dalam kandang dua hari nya, ex-chairman Gerempung Chung Hua Si Thiam Seng, Kaban Komiti Gerempung Chung Hua Sik Sua Hua, Ong Tze Zhung, Chan Chu Chu, Yong Fah Ming, Sim Khung Hiu, Kapitan Kueh Sze Pin, chairman serakup Buddhist Betong, Own Chin Chung, Tepikong Fu Sheng Gong sereta sekeda komuniti cina bukai.

    Gambar:  #AdunN36Layar

    Sama bisi enggau ngulu pengawa ngabang Taun Baru Cina di Betong, Sapit Kepala Menteri ti mega nyadi ADUN Bukit Saban, Datuk Amar Douglas Uggah Embas enggau bini iya, Datin Amar Doreen Mayang enggau ex-Sapit Kepala Menteri, Datuk Patinggi Tan Sri Alfred Jabu anak Numpang enggau ex-ADUN Bukit Saban, Robert Lawson Chuat. #UtusanBorneo

    No comments

    Post Top Ad