Gerald Rentap deka nentuka BN menang besai ba PRU14 - Berita Iban Online

Header Ads

  • Baru Nyadi

    Gerald Rentap deka nentuka BN menang besai ba PRU14

    Gerald Rentap Jabu
    KUCHING: Ketuai Bagi Nembiak Parti Pesaka Bumiputera Bersatu (PBB) ke baru dipilih, Gerald Rentap Jabu deka nentuka Barisan Nasional( BN) Sarawak menang besai ba Pengawa Bepilih Besai ti deka datai nyadi tanggungpengawa keterubah.

    ‘Bagi Nembiak dalam PBB ngembuan kaul ke rat enggau bagi nembiak parti dalam gempung BN nengeri baka ke PRS, SUPP enggau PDP.

    ‘Kitai seruran berandau ba semua pekara ke alai atur nentuka BN menang besai ba pengawa bepilih ti deka datai nyadi tanggungpengawa keterubah aku,’ku iya.

    Gerald mansutka jaku nya lebuh dikerandau pemberita pengudah ngulu proses chabut undi ungkup pengawa bepilih dalam PBB di Indu Opis PBB Jalai Bako ditu, kemari.

    PBB deka ngadu pengawa bepilih rambau Aum Besai Tiga Taun Sekali (TGA) parti berengkah 9 nyentuk ngagai 11 Februari.

    Kelimpah ari nya, Gerald ke nyadi ADUN Layar madah bagi Nembiak deka beratka pekara digital ekonomi seraris enggau polisi ti ditukuka Presiden PBB ke mega Kepala Menteri Datuk Patinggi Abang Johari Tun Openg.

    ‘Diatu kitai beratika peluang ba digital ekonomi lalu nya mih chara ke ulih mai kitai mansang ke mua.

    “Peluang tu deka mai kitai mansang ukai semina ba pekara pemansang tang mega ba sosio ekonomi lalu mulaika pemaik ngagai rayat,’ku Gerald.

    Ngenang kaul bukai, Gerald ke udah ba dalam PBB kenyau ari taun 1995 madah idup mati sigi enggau PBB.

    Nyadi kaban PBB kenyau umur 18 taun, Gerald madah diri udah meri servis ba baruh lima iku ketuai bagi Nembiak iya nya ba maya Datuk Celestine Ujang, Datuk Gramong, Datuk Douglas Uggah, Datuk Abdul Karim enggau Dato Sri Fadillah Yusuf.

    Pengudah 10 taun nyadi Sapit Fadillah, Gerald diatu mangku penuduk nya ngarika pampang PESAKA.

    “Tim bagi nembiak chukup ba tiap sukut, kitai bisi pengari ari tetiap menua, jalai pengarap enggau bansa di Sarawak,’ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads