Industri ngaga rumah meseti seruran ngemeranka konsep teknologi gadung - Berita Iban Online

Header Ads

  • Baru Nyadi

    Industri ngaga rumah meseti seruran ngemeranka konsep teknologi gadung

    TEPA PENGINGAT:Fadillah (duduk tengah) begambar enggau pengarang berita betuaika Jacqueline (duduk kanan) ari Kuching ke bisi ngelawa iya di Menara KKR Jalai Sultan Salahuddin di Kuala Lumpur, bedau lama ke udah.
    KUALA LUMPUR: Industri ngaga rumah patut ngena konsep gaya rumah ti manah ke rampa menua tauka ‘eco-friendly’.

    Menteri Kereja Raya Dato Sri Fadillah Yusof meransang sida ke ngaga begunan ti tinggi, nyengkaum opis perintah ngena sereta nitihka konsep teknologi gadung.

    Ku iya madah, Opis Menteri Kereja Raya di Menara Kementerian Kerja Raya (KKR) Malaysia di Jalai Sultan Salahudin ditu, iya nya chunto sebuah begunan ke digaga nitihka konsep teknologi gadung.

    “Begunan Menara KKR tu udah nerima gelar ‘Platinum and Malaysian Carbon Reduction and Environment Sustainability Tool’, sereta gelar MyCREST,” ku Fadillah.

    Iya madah munyi nya lebuh nerima urung 15 iku pengarang berita sereta Gerempung Pengarang Berita Pelilih Mengeri Kuching (KDJA) ke betuaika chairman gerempung nya, Jacqueline David. Raban KDJA bisi ngatur program nemuai meri basa ngagai menteri nya di Menara KKR ditu, bedau lama ke udah.

    Iya nandu baru madahka menara ke ngembuan 35 ringkat nya digaga ngena ‘Industrialised Building System’ (IBS), iya nya komponen kena ngaga nya nitihka standard ti endang manahka rampa menua. Sistem tu ti ngemerat sereta ngena teknologi gadung laban beratika ngena konsep tu ulih nyimat kuasa sereta ngena perengka guna ke manah ungkup rampa menua.

    Pejalai pengarang berita ari araban KDJA nya, sebagi ari program ke nyengkaum penemuai meri basa ngagai Sapit Menteri Besai Malaysia, Datuk Seri Ahmad Zahid Hamidi di Putrajaya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads