Header Ads

  • Berita Tebaru

    Jaku Tesau: Ngiga siku indu ti benama Jacklyn Anak John

    Gambar Jacklyn enggau anak iya sereta ripot Polis.
    SIBU: Nitihka ripot ti bisi diterima #BeritaIbanOnline madahka siku indu ti benama Jacklyn Anak John udah ngerarika diri dipelabaka nitih ke siku lelaki ti bedau temu penatai. Pengelenyau Jacklyn Anak John tu mega udah kala diripot ba Balai Polis Sibu Jaya empai lama ti udah.

    Keterubah kes Iya ngerarika diri nyadi maya 5 Jan 18 lalu kali kedua nyadi baru ianya 29 Jan 18 tu tadi. Pengelenyau Ia nyentukka sehari tu bedau mulaika diri taja udah digiga sida sebilik, kaban belayan, ipar enggau laki Iya empu.

    Berita madahka ripot keterubah pengelenyau Ia udah diripot ba balai polis kena ke 6 Jan 18 mega sehari udah Iya ngerarika diri. Tuju berita tu dipansutka laban ngasuh Jacklyn Anak John mulaika diri sereta betemu enggau sida sebilik, laki Iya sereta entua Iya enggau naka pengelengkas.

    Pengelenyau Jacklyn Anak John tu balat bendar ngenusahka ati sida sebilik, kelimpah ti deka mutarka pekara ti besangkut paut dalam pekara ruang bilik enggau jampat. Ngarapka barang sapa kita ti ngelala sereta nemu dini Jacklyn Anak John tu diau minta kita bekereja sama madah ke Iya.

    Raban Berita Iban Online ngarapka pekara tu ulih diputar enggau jampat kasih ke anak, laki, sereta sida sebilik ditinggal enda madah. Nuju sapa kita ke bisi tepeda sereta nemu dini Jacklyn Anak John tu kita tau ngeripot ba Balai Polis ke semak sereta tau mega betalipaun terus ngagai sida tu:

    1. Rickey Kayan (menyadi Laki Jacklyn) - 0198299349.

    2. Indai Jacklyn - 01126832140.

    3. Entua Jacklyn - 0138178145.

    Berita tu mega bisi dipansutka raban kami ba Facebook Pages "Berita Iban Online " ulih dibacha nuan ba ditu: https://www.facebook.com/BeritaIban/posts/1267566206677741

    Tau 'share' enggau 'tag'.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: