JKNS nadai nerima ripot bekaul tusu tepung Dutch Lady tiru - Berita Iban Online

Header Ads

  • Baru Nyadi

    JKNS nadai nerima ripot bekaul tusu tepung Dutch Lady tiru

    GAMBAR Dutch Lady: kod susu 101 (ori) 102 (tiru)
    KUCHING: Opis Pengerai Nengeri Sarawak (JKNS) nadai udah nerima sebarang sebana tauka ripot bekaul enggau tusu tepung Dutch Lady tiru di nengeri tu.

    Direktor JKNS Dr. Jamilah Hashim ngenukuka pekara nya lebuh ditelefon bekaul isu nya kemari.

    “Naka ke diatu (kemari) kami nadai nerima sebarang sebana tauka ripot bekaul enggau tusu tepung Dutch Lady. Atas mija aku nadai pasal pekara nya,” ku iya lebuh ditanya pasal isu nya ke bisi dikerembaika nengah media rama beberapa hari ke udah.

    Kelimpah ari nya Ketuai Direktor Pengerai Malaysia nengah penerang berita madahka opis menteri nya benung bejalaika pansik pasal isu nya.

    Opis Menteri Pengerai Malaysia (KKM) beratka sebana penguna ti meli pek-promosyen tusu tepung anak mit bansa Dutch Lady Curious (900g) 1-2 Tahun Biasa ke dikerembai nengah media rama.

    Penguna ti ngenataika sebana madahka anak iya bisi kelai sir (raing mirah) ba rekung enggau kelengkang, bira chirit birit enggau tabin pengudah nusu produk tusu tepung nya.

    KKM bebendar madahka tusu tepung ungkup anak mit ke dijual patut nitihka Atur 91B, Atur Pemakai 1985 di baruh Akta Pemakai 1983.

    “Bekaul enggau pekara tu, KKM nengah Bagi Pengelikun enggau Kualiti Pemakai benung bejalaika pansik dikena ngenukuka produk tusu ungkup anak mit nya selamat diirup.

    “KKM seruran berati sereta beratka pekara ku ulih ngeruga pengerai penguna.

    GAMBAR Dutch Lady: kod susu 101 (ori) 102 (tiru

    GAMBAR Dutch Lady: kod susu 101 (ori) 102 (tiru

    “Nyema penguna bisi nemu tauka berasai irau bekaul enggau isu pengelikun pemakai, tau betanya ngagai Opis Pengerai Pelilih Menua tauka Opis Pengerai Nengeri ke pemadu semak tauka betanya ngagai KKM nengah laman web http://moh.spab.gob.my tauka Facebook Bahagian Keselamatan dan Kualiti Makanan (BKKM): www.facebook.com/bkkmhq” ku Dr Noor Hisham. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads