Kaban ti udah ninggalka SUPP dipinta pulai baru - Berita Iban Online

Header Ads

  • Baru Nyadi

    Kaban ti udah ninggalka SUPP dipinta pulai baru

    TERIMA MIH: Chairperson pengatur pengarami,Chin Hon Jun (tiga kiba) nyuaka bakul buah ngagai Dr Sim, lalu sama bisi dipeda dia Lo (dua kibat) enggau Temenggong Joo Phoi (dua kanan).
    KUCHING: Presiden Parti Sa’ati Rakyat Sarawak (SUPP), Datuk Prof Dr Sim Kui Hian minta orang ti udah ninggalka parti nya mulaika diri baru ngambi ulih ngeringka Sarawak.

    Ku iya, tu sebaka enggau pengerami gempuru makai malam nyambut penatai Taun Baru China, ke alai diri sebilik ti gawa ba endur bukai, sesapa  ke bisi anak mit baru, pulai begempuru makai dikena negapka kaul enggau pangan diri.

    “Aku ngarapka sesapa ti udah ninggalka SUPP deka pulai lalu beserakup baru,” ku iya lebuh bejaku ba Pengerami Makai Lemai Taun Baru China ke diatur pampang mit SUPP Batu 10 tba Balai Komuniti Batu 10 kena Hari malam Empat tu tadi.

    Ku iya, pengudah lima taun Batu 10 dipegai  penyakal, rayat dia semina ‘meda aja’ tang nasit bisi Kunsilor Lo Khere Chiang bisi negika rayat dia.

    Nya ba Pengawa Bepilih Besai Ke-14, Barisan Nasional (BN) ulih ngambi pulai sitak Stampin ari DAP ngambika sitak nya bisi dua iku ke ulih jampat mai pemansang kia.

    Dr Sim ke mega Menteri Opis Kandang Menua enggau Pengawa Berumah madahka diatu rayat dia semina bepanggai ba Lo aja.

    Berebak enggau nya, chairman Pampang Batu Kitang Kunsilor Lo Khere Chiang madah, laban pengawa bepilih udah majak semak, iya minta semua kaban SUPP chakah agi gawa lalu m adah ngagai  m ensia m ayuh pasal penegap enggau kuing politik SUPP.

    Ku iya, semina perintah BN aja ulih ngetanka penegap rama sereta majakka pemansang di menua tu, lalu rayat gaga ati ngasaika pengelikun enggau pengidup ke meruan.

    “Pakatan Harapan enda ulih betan lama laban semina semina begempung m aya  pengawa bepilih aja tang udah nya nadai dipeda agi pengudah pengawa   bepilih. Rayat enda patut kelalu andalka penyakal laban sida enda ulih dikearap.”

    Sitak Stampin udah diempu penyakal ba pengawa besai ke sebedau tu, tang chalun ke dipilih nya nadai kuasa ngadu pemansang ke rayat. Tembu pengawa  bepilih rayat di Stampin lalu berasai asa.

    Iya  ngarapka pengundi di Stampin nyukung SUPP ba pengawa bepilih ke deka datai tu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads