Kerejasama ulih ngurangka tikas penusah ba jalai alun - Berita Iban Online

Header Ads

  • Baru Nyadi

    Kerejasama ulih ngurangka tikas penusah ba jalai alun

    Datuk Lee Kim Shin
    MIRI: Semua piak patut bekerejasama sereta enda tau enda nitihka atur ke udah diletak piak bekuasa dalam ngurangka tikas penusah bebadi ba jalai alun.

    Menteri Muda Dagang Temuai, Seni enggau Main Asal, Datuk Lee Kim Shin madah, bepelasarka pansik batang kebuah ti ngujungka nyadi kes bebadi iya nya pengilap penguna jalai alun.

    “Entara pengilap baka main telefon maya deriba, deriba maya udah udah palau sereta enda mereti deriba.”

    “Aku andal penguna ulih nyeliahka penusah bebadi nyema genap deriba nitihka chara deriba ke meretim bejimat sereta nitih atur ke udah diletak,” ku iya rambau aum pemberita pengudah ngelancharka Kimpin Pengelikun Jalai Alun beserimbai Taun Baru China (TBC) ba Jalai Permyjaya – Kuala Baram nunga Institut Kemahiran Belia Negara (IKBN) ditu, kemari.

    Program tu diatur nengah kerejasama Kaunsil Pengelikun Jalai Alun (MJKR) Bagi Menua Miri (Opis Residen Bagi Menua Miri, JKJR Sarawak, Opis Perengka Pengangkut Jalai (JPJ), Sarawak Shell Berhad, Kaunsil Mengeri Besai Miri (MBM) enggau Polis Diraja Malaysia (PDRM).

    Lee madah, nya kebuah perintah nengah kerejasama mayuh ejensi deka terus ransing bejalaika kimpin sereta operasyen dikena ngurangka penusah bebadi lebih agi ngujungka pemati seraya ngajar ulah mereti maya deriba nyadika adat.

    Ungkup Miri, Jalai Bintulu Miri udah dichap nyadi palan ke suah penusah bebadi nengah rikod 54 kes ba taun 2018 dibanding 43 kes ungkup timpuh sebaka Januari (2017), Palan Mengeri Besai Miri ngerikod Miri ngerikod  51 kes taun 2018 dibanding  40 kes (2017).

    Lee mega nyadung topi keledar ngagai penguna ke udah besai tuai,  hamper sereta surat penerang ungkup penguna jalai alun.

    Sama bisi datai Direktor  JKJR Sarawak Davina Agnes Pemesai Kaunsil Pelilih Miri Abdul Aziz Mohd Yusuf. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads