Komuniti Orang Ulu nyukung penuh rintai ketuai tetinggi PBB - Berita Iban Online

Header Ads

  • Baru Nyadi

    Komuniti Orang Ulu nyukung penuh rintai ketuai tetinggi PBB

    Kalang Jok
    MIRI: Rintai ketuai tetinggi PBB ti datai ari orang lama enggau baru deka mai parti nyingkang mansang agi sereta nentuka juluk Sarawak ulih dijapai nyadi nengeri progresif dalam Malaysia.

    Chairman PBB Pampang Marudi, Kalang Jok madahka tim PBB ti begulai enggau Kepala Menteri Datuk Patinggi Abang Johari Tun Openg diatu nyingkang mansang ngagai jeman baru ke alai semua pengari ketuai ti dipilih endang bepenau dalam bidang sida empu sekalika dalam raban Bumiputera tauka Pesaka.

    “Tu kaul peneleba ti manah enggau bala ketuai nembiak sedia napi jeman baru sereta atur pejalai ubah ti diguna dikena ngemai Sarawak mansang ngagai tikas bukai ba pemansang,” ku Kalang madah ngagai The Borneo Post lebuhka dirandau di Kuching, kilah ensana.

    Nitih ku Kalang, raban renggat baruh meri pengaga ati ngagai sida ti udah dipilih tauka ‘menang pantai’ seraya ngagai sida ti enda dipilih tau bekerejasama nyadi siti tim laban gempuru tu iya nya pengawa diri sebilik.

    Ku iya, rintai penggal ungkup PBB ari taun 2018-2020 iya nya dinamik enggau bala ketuai bepenau ti ulih ngatur pengawa ukai semina pemansang di kandang mengeri aja tang mega di kandang menua pesisir di Sarawak.

    Pia mega ku iya, PBB Marudi nyukung sereta bediri teguh di belakang Kepala Menteri kitai ke lalu nyadi Presiden PBB Datuk Ptinggi Abang Johari Tun Openg sereta bepenemu Abang Jo udah mantaika penyulut pengawa iya nangkup peminta enggau juluk rayat.

    Bekunsika penemu ke sama, Ketuai Nembiak PBB Mulu, Usat Bilong madahka rintai datai ari pupu bansa enggau ketuai enggau juluk ngerembaika parti sereta nengeri tu jauh agi.

    “Aku berasai lantang meda komuniti Orang Ulu bisi pengari dalam raban Pesaka baka Mandpal Presiden PBB Datu Gerawat Gala enggau Kaunsil Supreme YB Dennis, Datuk Robert Laing ari Baram enggau Mulu,” ku iya madah silik.

    Nitih ku Usat, PBB iya nya parti semua rayat nadai ngira komuniti etnik Bumiputera pemadu besai tauka pemadu mit baka Orang Ulu.

    Ku iya, kena nyimpul semua, semua kaban PBB ti datai ngulu gempuru besai mega udah sedia deka meda bala ketuai raban nembiak bela nyingkang begulai enggau sida ke lama sereta tim ditumbuh ungkup Kepala Menteri Sarawak, Datuk Patinggi Abang Johari ngambi ngemai mayuh pemansang di nengeri tu.

    Ku iya, Abang Johari nyadi juragan baru mujur teulihka sukung tegap ari raban renggat baruh, diayanka ari pemayuh tubuh bala ke bisi datai rambau gempuru besai nyengkaum bala ketuai ari perintah besai sereta Menteri Besai Datuk Seri Najib Tun Razak.

    Seraya Chairman PBB Pujut Abu Bakar Amit madahka rintai baru pangku pengawa mandal presiden PBB datai ari orang lama enggau baru sereta bala ketuai kedua dalam PBB.

    Ku iya, bala ketuai tu iya nya dinamik sereta bisi raban renggat baruh iya dalam parti sereta ulih gawaka pangku pengawa ngagai rayat sida empu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads