Header Ads

  • Berita Tebaru

    Kunsilor enggau ejensi perintah dipinta begulai ngemataka gaya penusah ampuh bah

    PINDAH: Sekeda ari mensia mayuh benung ngangkut barang sida ngagai endur ke likun agi.
    SIBU: Bala kunsilor ba zon Selangau dipinta bekerejasama enggau ejensi perintah ti bekaul ngemataka gaya ampuh bah ti bisi nyadi ba pelilih nya.

    Chairman Opis Kaunsil Menua Pesisir Sibu (SRDC) Sempurai Petrus Ngelai madah, iya pechaya menua Selangau lebih agi baka ba Pasar Selangau deka napi penusah ampuh bah dalam kandang seminggu tu.

    “Piak kitai minta kaunsilor ba zon Selangau baka Kaunsilor Dali Merawing, Kaunsilor Christopher Kusa, Kaunsilor Kalai enggau Kaunsilor Ubang besaup enggau ejensi perintah matau penusah ampuh bah tu.

    “Kitai pechaya dalam seminggu tu menua Selangau agi ampuh bah,” pia ku iya madah, kemari.

    Ba pekara bekaul, Kaban Kunsil Nengeri (ADUN) Tamin Christopher Gira Sambang nengah Facebook iya minta rayat ke ditinggang penusah ampuh bah ba Selangau enggau Arip nitihka jaku tangkan ari ejensi perintah ti bisi datai ngelawa sida.

    Kelimpah ari nya ku iya, mensia mayuh mega tau minta tulung ngagai Opis Pelilih Menua, Opis Residen tauka Komiti Pengatur Penusah Ngenyit (JPBN).

    Gira mega madahka iya udah berandau enggau Opis Kereja Raya lalu minta ngaduka jalai ti bisi jai ketegal hari ke suah ujan tu.

    Iya madah, beberapa bengkah endur jalai antara Selangau enggau Arip enda ulih ditengah agi. #UtusanBorneo

    No comments

    Post Top Ad