Kuota anak Sarawak masuk TLDM agi mimit - Berita Iban Online

Header Ads

  • Baru Nyadi

    Kuota anak Sarawak masuk TLDM agi mimit

    Thomas Ling
    SIBU: Gerempung Ex-Soldadu Tasik Diraja Malaysia (PBTLDM) Pampang Nengeri Sarawak minta kuota ngambi anak Sarawak masuk nyadi Soldadu Tasik Diraja Malaysia (TLDM) ditambah.

    Tuai Dipebasa PBTLDM Sarawak Thomas Ling minta kuota bansa China ditanka lima peratus ninting kali pengawa milih dipejalai.

    “Gerempung minta piak bekaul ulih nambahka agi penyampau ngambi anak Sarawak ngagai 25 peratus sereta ngetanka lima peratus ungkup bansa China ba genap kali pengawa milih masuk TLDM.

    “Kitai mega deka anak Sarawak diberi peluang niki pangkat ke adil,” ku iya seraya madah pasal 16 isu ke bisi dibantai rambau nerima penemuai pengari Pemesai TLDM Kuching Leftenan Komander Aminudin Bonimin, lemai ensana.

    Dulu ari nya Aminudin bisi ngatur penemuai ngagai opis PBTLDM Sarawak ba Jalai Tuanku Osman ditu.

    Sama bisi datai Sapit Tuai Dipebasa PBTLDM Sarawak Ayob Napi sereta tujuh kaban komiti ke bukai.

    Berebak enggau nya,  Thomas ngarap genap isu ke bisi dibantai deka diperunding lalu dititih nitihka pematut nengah piak TLDM, lebih agi pasal ngambi rekrut ari Sarawak.

    “Mayuh anak Sarawak ke ulih diambi tang nadai dipilih laban  kuota ngambi nya kelalu mimit.

    “Kitai deka pekara nya diseleti ba pengawa milih TLDM di Sarawak udah tu ila,” ku iya ke mega Sapit Presiden PBTLDM Nasional.

    Gerempung kenu ku Thomas, sedia mantu mantu TLDM dalam ngelakuka batang pengawa dalam TLDM sereta ngambi Laskar Muda di Sarawak.

    Iya mega ngarap penemuai basa nya deka nanggam tegut agi kaul entara gerempung enggau TLDM. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads