Lapan ari 12 buah sekula primari di Pelilih Baram ditutup ketegal ampuh bah - Berita Iban Online

Header Ads

  • Baru Nyadi

    Lapan ari 12 buah sekula primari di Pelilih Baram ditutup ketegal ampuh bah

    DITUTUP: Gaya ai bah ti ngampuhka sekula SK Long Jegan, Tinjar. #MohdShahRim
    MARUDI: Bisi  12 buah sekula primari di Baram diripot kena laban ampuh bah nyentuk pukul 9.00 pagi  kemari. Taja pia, lapan ari 15 buah sebuah nya ditutup lalu enam buah agi ke bukai nya agi beoperasi baka selama.

    Lapan buah sekula ke ditutup iya nya SK Long Sobeng, SK Kuala Bok, SK Benawa, SK Penghulu Baya Malang, SK Long Loyang, SK Long Jegan, SK Sg Bong enggau SK Long Bemang.

    Enam buah sekula ke agi beoperasi baka selama iya nya SK Long Linei, SK Long Atip, SK Pengarah Enteri, SK Batu Bungan, ,SK Long Teru enggau SK Long Panai.

    Ripot pasal  pekara tu disediaka Opis Pelajar Pelilih Baram nengah pemesai opis nya, Juk Ipoi, pengudah iya enggau Sapit Pemesai Opis Pelajar nya  ngabas semua gaya sekula ke ampuh bah ngena perau pagi kemari.

    Berebak enggau nya, Juk Ipoi madahka ketegal penalam paras ai di SK Long Sobeng ti tau ngeruga pengelikun  nyawa, sepenyampau 34 iku nembiak, 10 iku pengajar ,7 staf AKP enggau empat iku agi staf ke bukai enda ulih besekula sereta dipindah ngagai palan ngenduh sementara ba rumah panjai Long Sobeng.

    Bala nembiak nembiak mega udah diasuh pulai ngagai rumah panjai sida.

    Nitihka pada Penulung Kanan sekula nya, Nelson Subom penalam ti ngampuhka sekula nya bisi urung 1 meter. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads