Lima iku sebilik dipindah ketegal tasah ampuh bah - Berita Iban Online

Header Ads

  • Baru Nyadi

    Lima iku sebilik dipindah ketegal tasah ampuh bah

    DALAM: SK RC Kubong Limbang ampuh bah.
    LAWAS: Lima iku ari sebuah ruang bilik udah dipindah ngagai rumah orang diau besemak, pengudah rumah sida ampuh naka punggung di Genturung Pendiau Gelapas Trusan kemari.

    Ketuai Opis Bomba enggau Penyah Penusah Lawas, Zaki Husin madahka sida tu iya nya dua iku indu enggau tiga lelaki, dipindah ngena bot ngagai rumah orang diau besemak enggau sida.

    “Bantu mindah dipejalai berindik perati ari tikas peninggi ai datai ba paras punggung naka lemai kemari,” ku iya madah ngagai media.

    Ku Zaki, pengawa nya mega bisi diatur ba sekeda endur disadang tau ampuh bah.

    Antara endur dituntung penusah ampuh bah ku iya nya Sekula Primari (SK) Ulu Merapok, tang tikas ai agi dipatau lalu berengkah surut enggau gaya hari ti mambam.

    “Sekeda endur ke bukai ti diperatika nyengkaum Genturung Pendiau Siang-Siang, Pengalih, Long Tukon, Gelapas Trusan enggau Genturung Pendiau Seberang Kedai Trusan,” ku iya.

    Berebak enggau nya di Limbang, empat sekula primari ditutup  iya nya SK Ulu Lubai, SK RC Kubong, SK Kuala Awang enggau SK Kubong ketegal ai ngampuhka kandang sekula nya naka tengahari kemari.

    Ketuai Opis Bomba enggau Penyah Penusah Limbang Tawang Lingem madahka dua buah sekula ke ampuh bah tang agi dibuka iya nya SK Nanga Merit enggau SK Merambut.

    “Berebak enggau nya jalai nuju sekula SK Bukit Batu, SK Kuala Medalam enggau SK Kuala Penganan enda ulih ditengah laban bisi sekeda ari jalai nya ampuhka ai,” ku iya ma dah ngagai media kemari.

    Ku Tawang, naka pukul 1 ngaligari kemari, nadai orang dipindah laban tikas ai agi baruh ari tikas ti tau ngenataika penusah. Taja pia, Bomba agi matai gaya jalai Jalai Kubong enggau Medamit ke ampuh,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads