Minyak di Sarawak enda ulih diambi sengapa - Berita Iban Online

Header Ads

  • Baru Nyadi

    Minyak di Sarawak enda ulih diambi sengapa

    Datuk Patinggi Abang Johari Tun Openg
    Petronas meseti nitihka atur undang-undang nengeri tu, nyema deka ngambi minyak di Sarawak.

    KUCHING: Kompeni Minyak enggau Gis (O&G) Petros, ke diempu Perintah Sarawak deka bejalaika industry minyak enggau gis menua tu lalu nadai kaul enggau Petronas dalam ngulihka O&G di tasik menua tu.

    Kepala Menteri Datuk Patinggi Abang Johari Tun Openg madah Perintah Menua beratika pekara tu ari sukut baruh ungkup ‘9th schedule Federal Constitution under 8J subject to Item 2C’ dalam ungkup nya, lalu pampang ‘Permit and licenses for prospecting for mines, mining leases and certificates’ baruh pegai Perintah Menua.

    “Reti nya, lisin pegai Perintah Nengeri, lalu ari sukut minyak baruh pegai Perintah Besai.

    “Nitihka ungkup nya enggau undang-undang kitai empu, Perintah Nengeri ngeletakka lisin nya baruh genteran Tusun Ukum Seksyen 27 baruh ‘Mining Ordinance 1958’ ngagai Petros,” ku iya.

    Iya madah munyi nya lebuh bejaku ba aum pengarang berita pengudah nutup Gempuru Besai PBB to berengkah ari 8-11 Februari lalu digulu urung 5,000 penyereta ari serata menua Sarawak, di Palan Konvensyen Borneo Kuching (BCCK) ditu, ensana.

    Bekaul enggau Petronas, nyema sida iya deka ngambi minyak ari tasik Sarawak, enda tau enda nitihka undang-undang menua tu.

    “Enti nitih, Petronas tau ngulihka minyak ari sitak menua bukai, tang enti sida iya deka ngambi minyak di tasik nengeri tu, Petronas enda tau enda nitihka atur undang-undang nengeri tu, lalu diatu undang-undang tu diterit,” ku iya.

    Abang Johari ti mega nyadi Menteri Perambu Ekonomi enggau Rampa Menua nandu baru madahka Petronas mesti nanya dulu ngagai Perintah Menua enti sida iya deka ngambi minyak ari tasik menua tu.

    “Tu keterubah iya Perintah Sarawak bejalaika atur undang-undang bekait enggau O&G nengeri tu,” ku iya, lalu madahka Petros diatu udah bisi Ketuai Pemesai Eksekutif iya empu, iya nya bebansa Bidayuh ke mayuh peneleba dalam O&G. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads