Ngetu nyadung petenah bekaul enggau Menteri - Berita Iban Online

Header Ads

  • Baru Nyadi

    Ngetu nyadung petenah bekaul enggau Menteri

    Datuk Sri Rohani Karim
    KUCHING: Ulah netizen ti nyadung petenah bejaika Menteri ba Opis Kepala Menteri Datuk Sri Nancy Shukri di laman sosial siti ulah ke chukup enda manah. Iya udah suah nyangkal pekara tu udah ditabur kenyau ari taun 2015.

    Menteri Pemansang Orang Indu, Keluarga Dan Masyarakat Datuk Sri Rohani Karim madah, isu nya enda patut dibantaika agi laban udah diterang lalu nyata ulah enda manah sekeda orang ti mutar belit penerang enggau nempa petenah.

    Ku iya, sigi diatu mih maya ke ngena perintah ngaga undang-undang berita pelesu baka ke diperambu dikena munaska petenah ti tau mambarka rayat sereta ngerusak pengelikun menua.

    Iya nengah sebengkah penerang ngagai media sehari tu, madahka pekara nya benung diperati silik ari baruh Menteri ba Opis Menteri Besai, Datuk Seri Azalina Othman Said enggau Menteri Komunikasi enggau Multimedia, Datuk Seri Dr Salleh Said Keruak lalu udah mai nya ngagai Kabinet empai lama.

    “Aku ngarapka raban bekuasa ulih ngiga orang ti nyadung petenah nya lalu ditinggang ukum ke patut naka pengelengkas.

    “Aku mega minta netizen ngetu nyadung berita pelesu nya sereta minta mensia mayuh anang pechayaka berita bula lalu mansik pengamat,” ku iya. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads