Header Ads

  • Berita Tebaru

    Opis Kastam bisi polisi baru dikena nyeliah kes salahguna

    Ketuai Direktor Kastam Dato Sri Subromaniam Tholasy
    KUCHING: Opis Kastam Diraja Malaysia ngenuku polisi baru ke dikelala nengah ‘Dasar Baru Ejen’ ngambi ulih neritka adat ba ejen kompeni Kastam ti enda nitihka penetap.

    Ketuai Direktor Kastam Dato Sri Subromaniam Tholasy madah polisi baru nya dikena nyeliah kes salahguna enggau kes mai barang chara belalai ke suah nyadi.

    “Opis Kastam Diraja Malaysia ngenuku sekeda atur dikena nyeliah pengawa salah baka ke meri penerang bebula ke digaga ejen kastam ba barang ke ngembuan chukai tinggi.

    “Barang tu nyengkaum rukuk, ai bia, ai arak, entuka, enggau taya,” ku iya ba siti aum pengarang berita di Kuching kemari.

    Nengah Dasar Baru Ejen ku Subromaniam nambah, ejen kompeni Kastam patut ngelala kompeni ke ngaga kerja ekspot enggau import ke udah nyiri iya nyadi ijin ba pekara ke bekaul enggau pengawa Kastam.

    Ku iya, ba sekeda kes maya kitai ngelawa ngagai opis kompeni baka ke ditulis ba pom kastam, kompeni nya nadai diak lalu ngujungka pansik Kastam enda ulih ditembu.

    “Enti udah tu ila agi mengkang bisi nyadi pengawa meri penerang ke bebula tauka mai barang chara belalai, Kastam deka ngantung lisin ejen pengelama 6 bulan lalu lisin nya tau dipadam ari rikod Kastam.

    “Nengah polisi baru tu, Kastam enda belembut enggau raban ejen ti nguji deka nipu dagang enggau mansutka penerang bebula ba pekara ke bekait enggau Kastam,”ku iya.

    Nitihka penerang Subromaniam, kenyau bulan April 2017 penyampaui 31 ejen kompeni Kastam udah digantung lisin pengudah surat tunjuk kebuah dikeluar kena 5 Februari 2018.

    Di Sarawak ku Subromaniam tujuh kompeni ejen Kastam udah digantung lisin iya nya di Sibu, Sarikei enggau Kuching lalu ke pemadu mayuh ngereja penyalah iya nya ejen kompeni di Selangor.

    Entara penyalah ke dikereja iya nya dagang ke dipadah ba pom kastam enda sebaka enggau dagang ke amat dikereja sereta ngubah penerang tauka sain jari.

    Meri penerang pelesu, mai barang chara belalai, meri risit asal kastam ke pelesu ngagai orang dagang impot enggau eksport, sereta mai barang ke enda dikemendar kastam, tandu Subromaniam. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: