Opis Polis Sarawak nerima 69 mutosikal, 11 buah entukar baru - Berita Iban Online

Header Ads

  • Baru Nyadi

    Opis Polis Sarawak nerima 69 mutosikal, 11 buah entukar baru

    Dato Amer Awal
    KUCHING: Opis Polis Kontinjen Sarawak kemari nerima 69 buah mutosikal Kawasaki URB (Z 250) sereta 11 buah entukar MPV Nissan enggau Toyota.

    Ketuai Polis Sarawak Dato Amer Awal madah, semua mutosikal enggau entukar MPV nya deka diguna ba kandang menua pesisir ngambi ulih mantu ngemudahka kereja polis.

    “Kelimpah ari nya, pemeri ari Indu Opis Bukit Aman tu deka dikena maya Pengawa Bepilih Besai Ke-14 (PRU14) ti deka datai.

    “Ungkup Sarawak, kitai udah bisi 188 mutosikal tambah kenyau ari taun ke udah,’ku iya.

    Amer mansutka jaku nya ba Gempuru Ninting Bulan Opis Polis Kontinjen Sarawak (IPK) ke diatur di Padang Kawad IPK Jalai Badruddin ditu, kemari.

    Ngenang kaul bukai, iya madah polis Sarawak komited lalu sedia napi PRU14 ti disadang diatur barang maya ari diatu.

    “Berindik ari nya, sekeda pekara deka dikemeratka aku lalu nya nyengkaum ari sukut penyampau tubuh raban polis, logistik sereta latih.

    “Ungkup PRU14 tu, kitai chukup kering ke alai sepenyampau 7,017 pemesai polis deka matau pengawa tu ila.

    “Maya nya ila, raban polis deka matau palan ke suah didedat mensia mayuh, palan muai undi enggau Opis Komiti Pengawa Bepilih(SPR) di semua 31 kandang parlimen,’ku iya.

    Ari sukut latih ku Amer nambah, raban polis udah dilatih lalu sedia napi sebarang pekara ke tau nyadi.

    Ba gempuru kemari, Amer bisi nyuaka setipikit puji ketegal pemanah gawa ngagai sekeda pemesai polis. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads