PAIS mantu peranak Rh Langat ke tasah angus - Berita Iban Online

Header Ads

  • Baru Nyadi

    PAIS mantu peranak Rh Langat ke tasah angus

    SIRU: Kaban Pais begambar enggau barang bantu ke dianjung sida ngagai peranak tasah angus di Rumah Langat.
    MIRI: Serakup Iban Sarawak (PAIS) nyempulang gerempung ukai dikuasa perintah (NGO) ke bukai nyuaka bantu ngagai peranak ke tasah angus di Rumah Langat di Nanga Majang, Tinjar, minggu nyin tadi.

    Diketuaika Mandal Presiden I, Walter Sela enggau Ketuai Pengintu Pengelantang Komiti Pais, Larry Saban Dagang, serakup nya udah nyuaka bantu barang pemakai, gari enggau barang bukai ngagai ruang bilik ari 21 pintu rumah panjai nya.

    Bantu tu asil pupu ari bala kaban Pais empu sereta mega pemeri ari mensia mayuh ti sinuka penusah ditapi sida ti tasah angus nya.

    “Kitai ngarapka pemeri tu ulih ngelempungka tating penusah sida sebilik ke mega begunaka sukung kitai, kelimpah ari bantu barang,” ku Walter.

    Berebak enggau nya, Samuel muji kerejasama ti diayanka kaban Pais nulung sida ti begunaka bantu lalu ngarapka semangat ke bansa nya deka meruan dikemeran nyaup mensia mayuh ti kurang benasit.

    “Aku deka meri terima kasih ngagai semua kaban ti jampat nyuaka bantu ngagai sida ti tasah.

    “Bala tu udah gawa volunteer ngawakka diri ngabas sereta nganjung bantu ngagai sida ti tasah ke ngenduh sementara,” ku iya nambah.

    Ba penusah nyadi kena 31 Januari tu tadi, rumah panjai angus lengis diempa api ngujungka nyauka 100 iku peranak ari 21 pintu rumah panjai nya nadai agi endur diau. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads