Pasar Sentral Sibu palan kepenudi dilawa tim RS1 nyerumba TBC - Berita Iban Online

Header Ads

  • Baru Nyadi

    Pasar Sentral Sibu palan kepenudi dilawa tim RS1 nyerumba TBC

    Chairman RS1 Dato Andrew Wong
    SIBU: Tim Rancangan Sibu 1 (RS1) neruska pejalai nyerumba Taun Baru China (TBC) lalu pejalai sida sangkai ba palan kepenudi iya nya Pasar Sentral Sibu, pagi kemari.

    Pejalai nya diuluka Chairman RS1 Dato Andrew Wong. Bela nyereta pengawa tu iya nya chalun ulih menang Parti Rakyat Bersatu (UPP) ungkup penuduk Parlimen Lanang Andrew Ting.

    Kenu ku Andrew Wong, sida merambu ngatur penemuai ke sebaka ba taun siti nyin ila berindik ari timbal ke chukup manah ari semua pedagang makit basah ke udah dilawa.

    “Timbal ke diasaika kami chukup manah. Kami tekenyit meda timbal ke chukup manah dipadanang ba pedagang.

    “Nya kebuah, kami merambu deka neruska penemuai nyerumba TBC taun digaga baru taun nyin ila,” ku iya madah ngagai pemberita.

    Andrew Wong mega madah, penemuai nya endang nyadi adat ke manah lalu patut ditampung baru dudi hari ila.

    “Nengah penemuai baka tu, kitai deka ngasaika pengerami bela disambut bala pedagang ba palan ke udah dilawa,” ku iya.

    Pejalai raban sida disempulang enggau tanda singa, raban sida mega meri selamat taun baru china serete besampika bala pedagang bulih rezeki ke belimpah.

    Pejalai sida berengkah  1 Febuari tu tadi mungkur 10 palan iya nya makit basah, taman selera enggau pasar malam.

    Bepun ari Pasar Taman Rejang, pejalai sida mungkur Pasar Sungai Merah, Pasar Sungai Antu, Pasar Grand Height, Pasar Tiong Hua, Pasar Dewan Suarah, Pasar Sibu Jaya, Taman Muhibbah enggau Pasar Malam Sibu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads