Header Ads

  • Berita Tebaru

    PDRM Bintulu mujur ngatur Program ‘Community Policing Fun Ride Cegah Jenayah’

    PDRM Bintulu
    BINTULU: Pengeransing deka ngaul diri sereta ngerapitka kaul polis enggau bala komuniti di menua nya ti udah mai raban Polis Diraja Malaysia (PDRM) Indu Opis Polis Pelilih (IPD) Bintulu ngatur Program ‘Community Policing Fun Ride Cegah Jenayah’ enggau pengawa ngena ensikal berengkah ari Laman IPD Bintulu nuju ngagai Pasar Tamu Bintulu kemari.

    Acara Fun Ride Cegah nya diketuaika Ketuai Polis Pelilih Bintulu, Superitenden Zulkipli Suhaili enggau sapit iya, DSP Jame Reis sereta mega disereta bala kaban kelab ensikal di menua nya iya nya Kelab Basikal Jepak ti diketuai presiden iya, Latif Upit.

    Sepenyampau 250 iku pesereta ti datai ari raban PDRM Bintulu, bala pengari opis enggau mensia mayuh udah nyereta program nya.

    PDRM Bintulu dalam penerang iya ditu madahka tuju ngatur program nya dikena nambahka penyedar ngagai bala komuniti pasal gaya idup bepengerai.

    Kelimpah ari nya, kayuhan mesra komuniti mega ngambi raban polis ulih ngaul diri enggau bala komuiti belepa, meri penyedar sereta tanggungpengawa begulai bekaul enggau isu pengelikun sereta nempa kaul komuniti antara raban nyaga pengelikun enggau mensia mayuh ngambika siru agi ba pekara bekaul enggau pengelikun.

    “Program ke bansa tu ukai semina ulih ngerapitka agi pemanah kaul antara raban polis enggau komuniti, tang mega nangkup peminta bala ketuai PDRM nengah program ‘Trim and Fit’,” pia ku penerang nya.

    Berebak enggau nya ku iya, kelimpah ari interaksyen komuniti di menua nya, polis Bintulu meda bisi nyadung lambar penerang pasal pengawa nagang penyalah ngagai mensia mayuh sereta ngemai kelala ngagau aplikasyen enggau pangku pengawa Volunteer Smartphone Patrol (VSP).

    Program tu mega disereta bala kaban komiti Amanita IPD Bintulu, bela nyaup nyadung lambar penerang Amanita sereta ngemai kelala ngagai VSP nya.

    “Chara gawa ‘Stop & Talk’ enggau ‘Meet & Greet’ di Pasar Tamu Bintulu seraya nyadung lambar penerang nagang penyalah dikearap deka meri penyedar ngagai mensia mayuh pasal chara ti tau dipejalai begulai enggau raban polis nagang penyalah,” ku iya.

    Atur program bukai nyerumba program nya iya nya pengawa mandangka ukui nyidi ari Cawangan K9, chabut tikit benasit, live band ari Band PDRM Bintulu enggau senamrobik. #UtusanBorneo

    No comments

    Post Top Ad