Pemansang ulih dikerembai enti BN menang ba Parlimen Sibu, Lanang - Berita Iban Online

Header Ads

  • Baru Nyadi

    Pemansang ulih dikerembai enti BN menang ba Parlimen Sibu, Lanang

    Datuk Patinggi Abang Johari Tun Abang Openg
    SIBU: Kepala Menteri Datuk Patinggi Abang Johari Tun Abang Openg madah, rayat ba sitak Parlimen Sibu enggau Lanang meseti nyukung chalun BN ba PRU14 ngambi ngemudahka pengari rayat BN ngenataika peminta rayat ngagai Perintah Besai kelimpah ngerembaika pemansang di kededua sitak nya.

    Bejaku ba Pengerami Merarau SUPP Sibu beserimbai pengerami Taun Baru Cina 2018 di Dewan Suarah Sibu, Abang Johari minta peranak Sibu ngaga pilih ke betul dikena nentuka pengelantang sida di Sibu jemah ila.

    Iya pechaya enti semua parti komponen BN Sarawak bergempung napi PRU14, juluk BN deka ngambi pulai Parlimen Sibu enggau Lanang deka nyadi mudah agi.

    Ba iya, laban Parti Rakyat Bersatu Sarawak (SUPP) diatu udah suman ari penyarut dalam parti, SUPP enggau komponen BN Sarawak bukai baka Parti Pesaka Bumiputera Bersatu (PBB), Parti Rakyat Sarawak (PRS) sereta Parti Demokratik Progresif (PDP) ulih besaup ngerampas pulai penuduk nya.

    Ku Abang Johari, nyema mujur pemansang di Sibu deka dikerembai baka di bagi menua bukai nyengkaum ngemansangka Bukit Assek, ngemansangka Poliklinik Oya, palan engkah kerita Sepital Sibu.

    Kelimpah ari nya, sistem jalai alun mega deka diangkatmanah, nirika sekula teknologi, ngaga Sibu nyadi hub komersial sereta meransang sektor dagang temuai di Batang Rajang.

    Perambu tu mudah dikemujur nyema BN diterima sereta bisi sukung ari rayat Sibu, ku iya. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads