Pengawa nikika pangkat besiping - Berita Iban Online

Header Ads

  • Baru Nyadi

    Pengawa nikika pangkat besiping

    Tan Sri Datuk Amar Dr James Jemut Masing
    KUCHING: Pengawa ditikika pangkat dalam servis perintah nengeri ungkup bala pemesai ngagai Gred N48 mandangka bisi enda sebela ba pupu bansa di Sarawak.

    Antara 29 iku chalun ti mujur ditikika pangkat ngagai pangku pengawa, 16 iku ari sida nya bansa Melayu/Melanau, enam iku Iban, empat iku China lalu bela siku ari komuniti Orang Ulu enggau Bidayuh.

    Nitih ku penerang diberi ngagai The Borneo Post, bisi 120 iku chalun ngining pangku pengawa nya.

    N48 iya nya pangku pengawa keempat pemadu tinggi dalam servis perintah nengeri pengudah gred tetinggi - Jurusan Utama Sektor Awam (JUSA) A, JUSA B enggau JUSA C, N54 enggau N52.

    Pangku pengawa JUSA A diungkupka ngagai Sekretari Nengeri, laban nya pangku pengawa pemadu tinggi dalam servis perintah nengeri lalu JUSA B enggau C ungkup ke pengereja perintah tinggi ke bukai baka sapit sekretari nengeri, sekretari mendam enggau direktor ba mayuh bengkah opis perintah enggau opis bekaul enggau perintah.

    Taja pia, ba opis perintah ke mit agi, pemesai tinggi endang suah agi ngembuan Gred N54.

    Semua orang nemu sida ti ditikika ngenyit pangkat ngagai N48, iya nya pemesai ti beumur 30an ngagai pun 40an laban sida diperunding deka nyadi ketuai megai pengawa ketiga dalam servis perintah nengeri. Nya alai, sida ti ditikika pangkat ngagai pangku pengawa ke tinggi nya dipeda bisi penyulut dudi hari nyadi pemesai bepangkat tinggi dalam kandang sepuluh taun ti deka datai.

    Penerang pemadu baru pasal pengawa niki pangkat dalam servis perintah nengeri enda ngayanka komposisyen bansa ke amat di Sarawak, nitihka penerang pemadu baru bepelasarka statistik 2017, bansa Iban agi nyadi bansa majoriti enggau penyampau tubuh 797,700 ari semua penyampau tubuh peranak 2,789,700; ditangkan bansa Melayu enggau 639,400; China 623,800; Bidayuh 217,800; Melanau 142,200; raban Bumipuera bukai 178,000; bansa bukai 16,500 enggau ukai peranak Malaysia 173,400.

    Lebuh dikerandau, Sapit Kepala Menteri Tan Sri Datuk Amar Dr James Jemut Masing madah nyema bansa Dayak enda tetangkupka pangku pengawa nya, sida patut bebendar agi gawa ngambika sida ulih diperunding ditikika pangkat dudi hari.

    Presiden Serakup Graduet Dayak, Dr Dusit Jaul lebuh ditanya penemu pasal pekara nya, nyindir madah sekalika tu (ditikika pangkat ngagai N48) ngayanka meritokrasyen (dalam servis perintah nengeri)?”

    “Tambah agi, komposisyen pengereja pengawa perintah ba semua renggat patut ngarika komposisyen etnik di nengeri. Tambah mega ketuai politik kitai seruran temegah enggau Sarawak ke nyadi chunto ti mungkur semua pekara,” ku Dusit.

    Taja pia, siku aktivis rama madah, sekalika pengawa nikika pangkat apin lama dalam servis perintah nengeri bisi kaul enggau enggau penerang dibantai ba Facebook apin lama ari MP Batang Sadong MP enggau Menteri di Opis Menteri Besai, Datuk Seri Nancy Shukri, ti madahka ”Bumiputera akan mencuri kalau tidak dibantu kerajaan” disalin ngagai Jaku Iban, Bumiputera deka enchuri enti enda dibantu perintah. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads