Pengelikun enggau penyerakup nentuka pengelantang pengidup pupu bansa - Berita Iban Online

Header Ads

  • Baru Nyadi

    Pengelikun enggau penyerakup nentuka pengelantang pengidup pupu bansa

    Dato’ Sri Huang Tiong Sii nyediaka diri deka nunu merechun. #Alex Kho
    SARIKEI: Endang beguna endar mandangka raban nembiak kitai pemesai guna ngetanka pengelikun enggau penyerakup dalam komuniti datai ari pupu bansa nentuka pengelantang sereta nyediaka pemaik ungkup pengidup semua kitai.

    Kaban Kunsil Nengeri (ADUN) Repok, Dato’ Sri Huang Tiong Sii madahka beguna endar nerenakka runding nya ngagai bala nembiak sekula ti datai ari mayuh renggat rama ngambika nemu reti basa enggau pemereti ati.

    Iya nyemetak mansutka pekara tu dalam jaku iya ti dikenataika Menijar Palan Sivik Sarikei, Andrew Wong Pak Ung ti ngarika iya bejadika pengerami Taun Baru China Sekula Sekondari (SMK) Bandar Sarikei.

    Ku Hwang, iya temegah ati beratika sekula kitai udah ngepunka bemacham program dikena ngiri pemanah ulah ngagai bala nembiak sekula baka ngatur pengerami hari besai renggat sekula enggau program integrasyen ungkup penyerakup (Rimup).

    Iya pechaya program ke bansa nya ulih meri pemaik besai ngagai pengawa kitai ngetanka pengelikun enggau penyerakup ke bisi ngambika ditampung rebak dudi hari.

    Ngelansa pasal pengawa numbuhka raban Tanda Singa sekula nya, ku Huang tu nyadi siti inisiatif ti ngemegah laban iya nyikap bala nembiak enggau aktiviti ti bisi reti dikena ngetanka main asal dalam pengelain komuniti kitai.

    Antara sida ke bisi datai iya nya Penulung Kanan 1, Latif Mat, Penulung Kanan (Ko-kurikulum), Law Sie Ngo, chairperson Serakup Apai Indai enggau Pengajar (PIBG), Lee Hee Hoon sereta Chairman Pengatur, Sia how Kee. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads