Header Ads

  • Berita Tebaru

    Penusah angus nyadi di Rumah Alo, Ngemah, Lemanak, malam tadi

    GAMBAR: Pengudah penusah angus nyadi malam tadi.
    ENGKELILI: Sebuah penusah angus nyadi di Rumah Alo, Ngemah, Lemanak, pemanjai 48 pintu malam tadi.

    Nitihka penerang ke dipadah Shasha Chamiellia, siku indu peranak menua nya empu.

    "Urung jam 9 malam tadi, injin api (generator) meletup tang kebuah injin api nya meletup apin temu. Bala kami serumah udah nguji ngemadamka api tang api majak nyerarai sereta besai agi", ku iya.

    "Menyadi laki aku tama sepital ketegal mai sereta nyelamatka mak aku ke agi mengkang ba dalam rumah benung api benung balat mau ngejungka ita tinggang atap zink ba pala", tandu Shahsa.

    Naka ke diatu, 13 iti rumah ke kediri nadai kena. Semina 31 buah rumah angus lengis di empa api. Siku lelaki bakal bala tang nadai penusah bebadi nyawa ba palan penusah kenyadi.

    Jaku Gerah: Nuju semua mensia mayuh tauka raban NGO ia ti deka meri bantu sereta ngelempungka tating penusah ke ditapi peranak Rumah Alo, Ngemah, Lemanak, tau betalipaun ngagai Tuai Rumah Alo empu ba lumur (0128496588).


    Berita tu mega bisi pansutka Utusan Borneo: http://www.beritaiban.com/2018/02/rumah-alo-nanga-ngemah-ili-dituntung.html

    No comments

    Post Top Ad