Perengkaguna lama di mengeri Kuching deka dikemaru - Berita Iban Online

Header Ads

  • Baru Nyadi

    Perengkaguna lama di mengeri Kuching deka dikemaru

    BEJADI: Abang Johari nyain plak kelai bejadika premis baru ITC ba Jalai Kulas ditu, kemari.
    KUCHING: Kepala Menteri Datuk Patinggi Abang Johari Tun Openg madahka perintah nengeri deka chakah ngemansangka semua perengkaguna lama di Kuching, awakka ulih ngelaku dagang temuai di mengeri besai tu.

    Iya madahka perintah bejalaika beberapa projek pemansang ti mungkur pasar, genturung pendiau, jematan enggau ke bukai kelimpah ari ngangkatka sistem bas mengeri tu.

    “Kitai deka ngemanahka semua perengkaguna di Kuching iya nya berengkah ari Jematan Satok ti deka digaga baru enda lama agi, nuju ngagai Jematan Tun Salahudin sereta di tebing sungai ti mungkur Jalai Gambir, Main Bazaar enggau genturung pendiau.

    “Entara ke deka dikemanahka mega nyengkaum Brooke Dockyard ti deka di chat baru tang konsep lama agi ditanka laban nya sejarah kitai. Tu dipelabaka deka ulih ditembuka dalam timpuh tiga taun ke deka datai.

    “Ba Kubu Magherita kitai bisi ngaga pemandang ke manah dipeda baka ngaga ai wong sereta dipasang lampu mayuh chura kelimpah ari nyendiaka kedai makai nunda chara orang putih, tu dipelaba ulih matak temuai ari menua tasik,” ku iya.

    Abang Johari mansutka pekara nya lebuh bejaku ba pengerami bejadika premis baru Inter-Continental Travel Centre Sdn Bhd (ITC) ke diatur ba  Jalai Kulas ditu, kemari.

    “Nya entara pelin tauka langkar besai ke deka dipejalaika kitai dalam timpuh tiga taun tu. Lalu ITC mega ulih sama enggau ngambi bagi ngelaku sereta ngangkatka industri dagang temuai,” ku iya.

    Kelimpah ari nya, dalam jaku pengelalau Azizah lebuh ke ngenang pasal ITC madahka iya bisi 40 iku pengereja pengawa nyengkaum ke gawa ba pampang di Bintulu enggau Miri.

    “Servis ti bisi disediaka kami nyengkaum tiket penerebai dalam enggau antarabansa; belayar ngelantangka ati ba tasik, nemuai beraban dalam enggau luar nengeri, rizab hotel di serata dunya, memproses visa, ngerejista ejensi dagang temuai ungkup perintah nengeri enggau besai nyengkaum Petronas,” ku Azizah.

    Sama bisi datai ba pengerami nya, bini kepala menteri, Datin Patinggi Datuk Juma’ani Tun Tuanku Bujang; Menteri Dagang Temuai, Seni, Main Asal, Nembiak sereta Lumba enggau Main Datuk Abdul Karim Rahman Hamzah enggau ke bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads