Header Ads

  • Berita Tebaru

    Perintah meri geran RM500,000 ngagai JKWS

    Kepala Menteri Datuk Patinggi Abang Johari Tun Openg
    Geran nya ulih dikena raban orang indu ngepunka pengawa dagang pengudah sida tembu latih.

    KUCHING: Perintah Nengeri meri geran RM500,000 ungkup Bagi Orang Indu enggau Ruang Bilik Sarawak (JWKS).

    Kepala Menteri Datuk Patinggi Abang Johari Tun Openg madah geran nya tau dikena nyadi puku ngagai raban orang indu ngepunka dagang ungkup sida ti udah nembuka latih di JWKS.

    Iya madah geran nya asil perambu bini iya, Datin Patinggi Dato’ Juma’ani Tuanku Bujang ti dekaka perintah mantu raban orang indu di JWKS.

    “Aku meri JWKS RM500,000 ngambi tau nyadika puku. Bini aku tekenyit pengudah ninga palan nya bisi nyendia latih ngurut enggau spa,” ku iya.

    Abang Johari semaya meri geran nya nimbal pinta Menteri Pengintu Pengelantang, Komuniti, Orang Indu, Ruang Bilik enggau Pemansang Nembiak (KWKPK) Dato Sri Fatimah Abdullah ba Program Hari Terbuka KWKPK di Waterfront Kuching ditu, kemari.

    Geran nya dikearap ulih mantu nyendia puku ngagai urung 100 iku orang indu JWKS ngepunka pengawa dagang.

    Dulu agi ari nya, Fatimah ba jaku pengelalu program madah JWKS bisi nyendia latih nyait, nyumai, make-up, urut sereta spa.

    Perintah Nengeri dulu agi ari tu udah ngagihka belanja RM5.8 juta dikena mantu Tadika KEMAS di nengeri tu.

    Agih belanja nya dikena ngaga baru Tadika KEMAS ke udah repuk ngambi ulih nentuka raban nembiak belajar ba kelas ke menyana. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: