Header Ads

  • Berita Tebaru

    Perintah seruran nyaga pengelantang pengidup rayat

    Datuk Seri Tiong King Sing
    ‘Program Jualan Sentuhan Rakyat’ entara inisiatif ti dipejalai perintah dikena ngelempungka tating belanja rayat, ku Tiong.

    BINTULU: Perintah deka nguji ngurangka belanja idup sereta tating penusah rayat berindik ari gaya ekonomi enda tentu nengah atur pejalai nyual barang peminta tetiap hari enggau rega mudah di baruh Program Jualan Sentuhan Rakyat kemari.

    Program tu nerima timbal manah endar ari peranak ti datai nedat palan bejual di Arena Petanque Kampung Jepak.

    Kaban Parlimen (MP) Bintulu, Datuk Seri Tiong King Sing madahka pengawa bejual mudah tu diatur dikena mantu rayat ti ditating belanja idup sereta gaya ekonomi enda tentu manah.

    “Barisan Nasional (BN) bejalaika program naka ulih mantu rayat enggau rega pemadu patut bejualka barang diguna tetiap hari. Rega barang ti ulih dijual mudah agi, perintah deka nguji meri subsidi,” ku iya lebuh dirandau pengarang berita maya bejalai ngabas Program Jualan Sentuhan Rakyat (PJSR) 2018 nya kemari.

    “Aku datai ngabas program tu, nyadi MP nguji naka ulih mantu lalu aku ngarapka rayat tau ngena wak tu bebelika barang ti patut, rega gula enda dijual mudah berundingka rayat ngurangka gula dalam pemakai,” ku iya nambah.

    Ku iya, program tu deka diatur di sitak menua bukai pengelama enam bulan lalu endur ngatur deka ditentuka ila.

    Pia mega ku iya, rega semua barang dikena tetiap hari bisi dijual maya atur program tu udah diberi mudah, tang enti ulih, aku deka nguji ngemudahka agi rega barang ti dijual tang enda mayuh.

    Program tu diatur berengkah ari pukul 2 lemai nyentuk 5 lemai, nyadi inisiatif perintah ngurangka belanja idup rayat nengah pejalai pengawa bejual barang dikena tetiap hari enggau rega mudah.

    Antara barang peminta tetiap hari bisi dijual baka berau, tepung, minyak makai, telu manuk gred C, kentang, bawang besai, ayam udah dibela, ikan kembung, milo, sardin, susu pekara manis, sos chabi, sayur karot, kubis, chabi mirah, chabi rangkai, lia, bawang mirah enggau tomato. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: