Header Ads

  • Berita Tebaru

    Polis nangkap 31 iku peranak menua luar di Miri

    Gambar Pengias: Pendatang Asing Tanpa Izin (PATI)
    MIRI: Siku pengaji enggau 31 iku peranak menua luar nyengkaum siku anak mit ke beumur tujuh taun udah ditangkap ba dua bengkah endur ba sebengkah operasi ti dipejalaika ensana.

    Pemesai Memerintah Pasukan Gerakan Am (PGA) Batalion 12 Miri, Supt Tan Hiap Seng madahka operasi udah dipejalaika ba palan ngaga rumah di Senadin enggau palan ngaga stesen mit elekterik Sarawak Energy Berhad (SEB) di Tudan dipejalaika pukul 9.30 pahi begulai enggau Opis Immigresen.

    “Siku lelaki beumur 27 taun asal ari Selangor nyadi pengaji ba palan projek ngaga stesen mit elekterik SEB mega udah ditangkap,” ku iya ba sebengkah penerang ditu kemari.

    Ku Tan, semua 31 iku peranak menua luar nyaditqn ketegal bemacham penyalah baka diau ngelui timpuh di negeri tu, salahguna pas nemuai sosial enggau tuju gawa sereta tama ngagai menua tu nengah chara ti salah ari baruh Akta Imigresen 1959/1963.

    “Semua ke ditangkap nya dianjung ngagai Depot Imigresen Bekenu lalu kes diserah ngagai Opis Imigresen Miri ngambika diputarka,” ku iya. #DayakDaily

    No comments

    Post Top Ad