Header Ads

  • Berita Tebaru

    Polis Pelilih Kuching belatih napi PRU14

    ACP Abang Ahmad Abang Julai
    KUCHING: Sepenyampau 1,022 iku raban polis Pelilih Kuching ari mayuh bengkah unit ngulu latih dikena napi Pengawa Bepilih Besai (PRU14) kemari.

    Latih ke diatur ba laman Balai Mensia Mayuh Kuching nya, diuluka Ketuai Polis Pelilih Kuching ACP Abang Ahmad Abang Julai.

    Nitihka penerang Ahmad, latih diatur enggau tuju nyikap raban polis ngambi ulih napi sebarang pekara ke tau nyadi maya hari ngantung nama chalun ba PRU14 ti deka datai.

    “Aku ke nyadi KPD kuching meseti nemu bejalaika tanggungpengawa enti bisi nyadi sebarang pekara ke enda manah nyadi maya hari ngantung nama.

    “Latih kitai pagi tu beratka pekara ke tau nyadi maya hari ngantung nama lalu kitai deka nentuka pengawa dipejalaika enggau lanchar,’ku iya bejaku ngagai pengarang berita.

    Iya nambah, latih nya nyadi sebagi ari latih polis Pelilih Kuching ke alai semua pekara ke disadang tau nyadi maya nya diperatika enggau silik.

    Ku iya, latih bepelasarka laya entara penyukung ari  2 parti ti nyadi maya hari ngantung nama chalun lalu polis sedia mutarka pemar nya dikena nentuka pengelanchar pengawa.

    “Kitai bisi unit Light Strike Force (LSF) enggau Public Order Riot Unit (PORU) bejalaika pengawa ba hari ngantung nama chalun PRU14.

    “Nyema bisi sebarang pekara tauka laya nyadi, LSF deka dulu dianjung. Enti majak balat sereta enda ulih putar sida, PORU ke udah chukup dilatih deka datai mutarka pemar nya.

    ‘Latih tu mega matak raban ari unit trafik, pampang khas enggau CID,’ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: