Header Ads

  • Berita Tebaru

    Program 1K1JPJ meri peluang raban pinchin bulih lisin B2

    Logo JPJ
    MIRI: Sida ti deka pinchin enggau ti udah pinchin gawa perintah ditu bisi peluang ngembuan lisin mai mutusikal kelas B2 (baruh 250cc) semina mayar RM200 aja.

    Penulung Pemesai Penerit Adat Opis Perengka Pengangkut Darat (JPJ) Miri, Abu Bakar Kalong madahka lisin nya tau diambi nengah Program Satu Komuniti Satu JPJ (1K1JPJ) Lambir.

    Taja sida udah bisi lisin deriba ke bukai, tang sida ti deka pinchin enggau raban pinchin ditu tau ngembuan B2 enggau bayar RM200.

    Antara pinta bukai ba atur iya nya peminta meseti peranak menua Malaysia, nadai penimpang tubuh, bepengerai batang tubuh enggau runding sereta nadai blacklist JPJ tauka PDRM.

    Sida ke bisi ati tau datai ngelawa JPJ Miri kena 7 Februari tu ila ngemai beberapa dokumen ti beguna.

    Tu nyengkaum dua limpir gambar (belakang burak), salin tingki, kad pinchin tauka surat ngesah ari pengaji enti sema sida ti deka pinchin dalam timpuh 6 bulan.

    Sebarang penerang silik tau berandau enggau Abu Bakar Kalong ba lumur 085-614643 tauka Rozni Hasbi (085-615404).

    Program tu nyadi pengawa dipejalaika JPJ dikena mantu mensia mayuh ngambi lisin kelimpah ngenyemakka ejensi nya enggau bala komuniti. #UtusanBorneo

    No comments

    Post Top Ad