Program JPN ngerejista peranak menua pesisir ke nadai dokumen mujur - Berita Iban Online

Header Ads

  • Baru Nyadi

    Program JPN ngerejista peranak menua pesisir ke nadai dokumen mujur

    SAPA NADAI DOKUMEN MADAHKA DIRI: Dennis ba sebuah genturung pendiau jauh di Ulu sitak Telang Usan minta peranak nganjung nama sida enggau nama ke bukai ti bedau bisi dokumen pengelala diri.
    LONG LATIE: Penyampau peranak menua pesisir dalam sitak Telang Usan ti nadai dokumen pengelala (ID) nyengkaum surat pengada majak mimit, pia ku Kaban Kunsil Nengeri Telang Usan, Dennis Ngau.

    Taja pia, Dennis meransang peranak ba kandang menua nya ke bedau bisi ID ngerejista diri  lengkas.

    “Diatu,bepelasarka penyampau peranak ti ngulu operasyen ti dipejalaika ba genturung pendiau dalam kandang ulu entigis Telang Usan, udah majak mimit.

    “Tu mandangka pengawa  ti dipejalaika perintah nengah operasi khas mutarka penanggul nadai dokumen mujur,” ku Dennis bejaku ba pengawa nyuaka surat pengawa  ke diatur di Palan Servis Long Latie kemari (Feb 23).

    Bisi 24 setipikit pengada mujur disua ngagai peminta ari sitak Telang Usan ba atur pengawa nya.

    Nitih ku Dennis, peminta ngulihka dokumen ke ngenukuka sida  peranak asal Sarawak deka ditampung belama perintah Barisan Nasional (BN).

    Ari baruh pegai Meniteri Besai Datuk Sri Najib Tun Razak, program ngerejista nya ng emudahka peranak di ulu entigis.

    Tim ari Opis Pengerejista Bansa (JPN) deka ke kandang menua ulu entigis mutarka penanggul peranak ti nadai surat pengada.

    “Surat pengada nya indu dokumen dikena minta MyKad. Manah kita ngerejista diri ba umur ke biak dikena nyeliahka penanggul.

    “Laun regista deka begunaka mayuh pekara enggau sukung dokumen,” ku iya.

    Dennis m antaika pengaga ati iya ngagai perintah ti nyanggup peminta ketuai komuniti ti minta program nya dilanjar nyentuk ujung taun siti nyin tadi.

    Dennis ngarapka beambi ulih ba program nya awakka sida enda nurun ngagai JPN di  mengeri.

    Dennis mega madahka 14 program JPN udah dipejalaika ba mayuh bengkah palan di serata Telang Usan enggau Baram dalam timpuh lapan taun ke udah.

    Sama bisi ba atur pengawa nya, pengari ari Unit Pengereja Pengawa Khas JPN, Affrizan Bujang enggau Tuai Rumah Long Latie, Jangin Duwing. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads