Header Ads

  • Berita Tebaru

    Program ‘Mini Kembara Sukarelawan Kebajikan’ dikearap terus dikerembai

    MERUAN MANTU: Dr Rayong enggau Stephen nyadung pemeri ngagai siku orang ke enda bidik lansik, Kendawang Mujah ba pengawa nya kemari.
    SKRANG: Program ‘Mini Kembara Sukarelawan Kebajikan’ siti inisiatif dikena meransang bala kaki perintah bejalai betanyaka penanggul lebih agi nyelinting raban orang ke patut nerima bantu ar Opis Pengintu Pengelantang Pendiau Raban Bansa.

    Tu seraris enggau Program ‘Merakyatkan Perkhidmatan Awam’ di nengeri tu nyadi adat sereta Indeks Pemanah Pengawa (KPI) servis opis perintah dikena nyapai misyen enggau visyen ke udah diletak opis menteri nya.

    Kaban Kunsil Nengeri (ADUN) Engkilili Dr Johnical Rayong Ngipa berindik ari nya madah program tu pelasar pemadu manah ngempuruka semua servis volunteer bejalai begulai nyengkaum ejensi perintah enggau NGO di bagi menua tu.

    “Aku ngarap program tu ulih muka pelasar ke lebih besai ungkup bala pesereta ngelala enggau silik agi servis ke disedia ba Bagi Menua Sri Aman nyengkaum di sitak Lingga Bukit Begunan enggau Engkilili,” ku iya.

    Iya madah munyi nya rambau pengerami nutup Program Mini Kembara Sukarelawan Kebajikan Bagi Menua Sri Aman ba Dewan Dr Johnical Rayong Ngipa, Skim Skrang ditu ensana.

    Nangkan nya, laban ke nyadi ADUN iya madad diri sigi nyukung pengawa bansa tu kelimpah ulih dikena ngelakuka servis ke bisi disedia ejensi enggau NGO ke bekaul seraya nanggam agi kaul entara bala pesereta program ke datai ari mayuh pupu bansa.

    “Ambika chunto, aktiviti baka beripai tauka Home Help Services di rumah-rumah klien JKM begulai enggau bala pesereta kembara endang ulih dikena ngelakuka program Khidmat Bantu Di Rumah (KBDR) tauka dikumbai Home Help Services (HHS),” ku iya.

    “Program tu mega ulih nempa pemereti ati ba raban volunteer enggau komuniti besemak lalu nya setipak amat enggau tanggungpengawa raban volunteer ke nyadi mata enggau pending JKM,” ku iya.

    Nerang silik, Dr Rayong ngarap program ke bepun 2 Februari nya ulih ditampung sereta dikerembai ngagai zon tauka DUN bukai di nengeri tu.

    Dulu ari nya, program tu dipasuk urung 40 volunteer JKM ke mungkur empat palan sangkai iya nya Rumah Gading, Ran Ulu, Dewan Masyarakat Lingga, Kompleks Penyayang Sri Aman enggau kepenudi ba Dewan Dr Johnical Rayong Ngipa, Skim Skrang.

    Sama bisi datai Panglima Divisyen Pertama Infantri Malaysia Mejar Jeneral Datuk Stephen Mundaw, Pemesai JKM Sri Aman Awangku Mohamad Najib Pengiran Mohamad, enggau bala bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: