Header Ads

  • Berita Tebaru

    Pulai mih baru ngagai SUPP, ku Dr Sim

    NANGGAM KAUL : Sim begulai enggau Tun Pehin Sri Taib, Raghad, Sapit Kepala Menteri, Datuk Amar Awang Tengah Ali Hasan sereta orang bukai ngaul yee sang di rumah iya di Kuching. Gambar: #DrSimKuiHian
    Semua ke kala nyadi kaban parti lebih agi sida ke udah nyereta penyakal patut berakup baru ba SUPP.

    KUCHING: Parti Rakyat Bersatu Sarawak (SUPP) ngelalau semua orang ke kala nyadi kaban dalam parti lebih agi sida ke udah  nyereta penyakal patut pulai baru berakup dalam SUPP.

    Presiden SUPP, Datuk Prof Dr Sim Kui Hian madah pekara nya ulih ngemujur juluk perintah nagih hak Sarawak bepelasarka Sempekat Malaysia 1963 (MA63).

    Dr Sim madah, Pengawa Bepilih Besai Ke-14 (GE14) tu ila deka nyadi pelasar endur Barisan Nasional (BN) nengeri nagih hak nya diberi pulai pengudah diambi Perintah Besai.

    Iya ke mega Menteri Opis Kunsil Kandang Menua enggau Pengawa Berumah madah BN meseti menang besai nengah 31 penuduk parlimen di Sarawak.

    “Sarawak meseti menang 31 penuduk ngambi ngemudah randau ngulihka hak nengeri ke udah diambi.

    “SUPP ke nyadi gempung dalam BN Sarawak meseti menang tujuh penuduk ngambi ulih nentuka BN menang besai,”ku iya.

    Gambar: #DrSimKuiHian

    Dr Sim mansutka jaku nya  lebuh dikerandau media ba penemuai Tuai Pemegai Menua (TYT) Tun Pehin Sri Abdul Taib Mahmud sereta bini, Toh Puan Datuk Patinggi Raghad Kurdi Taib ke rumah iya nyerumba pengerami Ngintu Taun Baru China kena Hari Lima tu tadi.

    Ku nambah, enti deka menang besai SUPP meseti berakup lalu kaban lama meseti pulai ngagai parti.

    "Dikena ngemujur juluk menang ba tujuh penuduk nya, kami ngelalau semua orang ke kala nyadi kaban parti ke udah nyereta DAP pulai baru ngagai SUPP", ku iya.

    Sim mega madah udah nganjung rintai nama chalun parti ungkup GE14.

    Iya pechaya ba Ge14, SUPP ulih menang ba semua tujuh penuduk. #UtusanBorneo

    No comments

    Post Top Ad