Header Ads

  • Berita Tebaru

    PVTMS deka baum enggau raban veteran di Miri pagi tu

    Logo: PVTMS
    SIBU: Berindik ari peminta kaban, Gerempung Veteran Soldadu Malaysia Nengeri Sarawak (PVTMS) deka ngatur aum enggau veteran di Miri kena sehari tu bepun pukul 9 pagi.

    Aum tu nerima kerejasama ari Opis Pekara Veteran Raban Soldadu Malaysia (JHEV ATM) Pampang Nengeri Sarawak, deka diatur ba Pusat Belia Miri, Jalai Abang Indeh.

    Presiden PVTMS Thomas Ling Kui Eng madah, gerempung mega deka muka kaunter mindah kin kitu maya program nya ila.

    “Urung 50 veteran ari Miri deka nyuaka pom peminta nyadi kaban gerempung maya program nya ila,” ku iya.

    Kelimpah nya ku iya, piak JHEV deka muka kaunter ti bejalaika pengawa ngaduka Kad Veteran ATM, ngiga chalun nerima Pingat Jasa Malaysia (PJM) enggau bantu pengintu pengelantang pendiau ke bukai, nyengkaum meresa peminta bantu pengelantang pendiau ke tejanggal.

    Nya kebuah, Thomas nesau bala kaban enggau veteran ke diau ba sitak Miri datai mih ngulu program tu ngambika ulih mutar penanggul ke nekul.

    Direktor JHEV ATM Pampang Nengeri Sarawak  Lt Kol Dunging Serit deka datai ngabas program nya seraya nyaut tanya bekaul enggau pennggul raban veteran. #UtusanBorneo

    No comments

    Post Top Ad