Header Ads

  • Berita Tebaru

    Raban PEDAS meri bantu ngagai bini niang Juan enggau peranak Rh Langat, Ng. Majang, Bok Tinjar


    MIRI: Raban PEDAS lemai kemari, bisi datai maya pengawa nyengaie niang Juan ba Dewan Permaisuri alu nyuaka tulung agi bini niang Juan (Kiaw) ke midang lebuh penusah angus ba Ng. Majang, Bok Tinjar.

    Pengawa tu di ulu ke Tuan Aiden Chai Enggau Tuan Nelson (Ular Nanga Sadong) Selaku AJK Kebajikan Pedas.

    Terima kasih ngagai bala mayuh ke udah mantu kelebih agi nuju President Pedas, Captian Muhd Imran Collin ke setuju ngelulus ke 'emergency fund' kena ngelempung ke penusah ti ningang sida sebilik.

    Chris madahka kena 3 Februari 2018, hari enam tu,  bala raban Pedas deka nganjung bantu ngagai sida serumah ba Ng. Majang Tinjar. Nyema bisi bala ke bisi ari ka sama enggau kin penerang ke silik kita tau betanya ba seduai nya tadi tauka aku empu.

    "Terima kasih agi semua bala ke udah enggau kiruh mantu sida ke dituntung penusah, kelebih agi nuju bala ahli PEDAS seluruh pampang ke udah lempung ati mantu baik nya ari segi tulang tauka ari segi duit ringgit. Tuhan merkat ke kitai semua. Tu meh maya kitai beserakup sama mantu bala Dayak ke di tinggang penusah", ku Chris Salin meri komen ba group Facebook (DG).

    "Rindu meda diatu laban mayuh NGO ke bisi sama nurun padang ngesah lebuh bisi penusah ngau naka ulih.... Ukai baka kelia mina besiapka dewan endur ngaga pengerami enggau beratur ngambat YB enggau Menteri lalu ngamatka jaku sida aja. NGO sepatutnya nyadi benteng bansa, ke betul kitai sukung ke salah kitai bantah... Arapka kitai sama beserakup napi penusah. Good job bala madi.... Terima kasih ngagai semua ahli ti udah gerah jari...", ku Capt Collin meri komen ba group  Facebook (DG).

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: