Rumah Alo, Nanga Ngemah Ili dituntung penusah angus - Berita Iban Online

Header Ads

  • Baru Nyadi

    Rumah Alo, Nanga Ngemah Ili dituntung penusah angus

    ANGUS LENGIS: Pendiau rumah panjai pengudah ke dituntung penusah angus.
    KUCHING: Urung 145 iku peranak Rumah Alo, Nanga Ngemah Ili, Lemanak Lubok Antu semina tinggal gari ba tubuh pengudah rumah sida dituntung penusah angus malam ensana.

    Nitih penerang dipansutka Palan Operasyen Nengeri Sarawak kemari, bisi 31 pintu rumah ke angus lengis iya nya nyengkaum 23 pintu betampung enggau lapan pintu ti ngentak nyembuah.

    Ba penerang nya madahka, urung pukul 10.59 malam Balai Bomba enggau Penyah Penusah (BBP) Betong bisi nerima kangau bekaul enggau penusah angus ke nyadi nya.

    Berebak enggau nya, sida ti betuaika PBK II, Jusmandie Bin Jamaie terus bekejang ngesah ngena dua buah kerita pikap (4WD) enggau sebuah pajero. Raban BBP ke nyereta pengawa ngesah tu bisi lapan iku.

    Bela nyereta pengawa ngesah tu iya nya Komander Operasyen PgB Nik Mohd Afiq enggau PPgB Vincent Baling.

    Nitih penerang tumu ari raban saksi ba palan penusah nyadi, penusah angus tu bepun ari blok rumah panjai pintu lumur enam.

    Enda jauh ari rumah panjai ke angus tu mega bisi 13 pintu agi rumah ke ngentak nyembuah selamat lalu semua sida serumah diripotka nadai bakal bekau ari penusah nya.

    Pengawa ngerara api terus dipejalai pengudah raban BBP datai dikena nentuka teda api badu nyerarai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads