Sarawak deka nyingkang nguna sistem stadium pintar - Berita Iban Online

Header Ads

  • Baru Nyadi

    Sarawak deka nyingkang nguna sistem stadium pintar

    Datuk Snowdan Lawan
    Tu entara ubah ke deka digaga perintah nengah juluk nuju transformasyen digital ba pengawa lumba di nengeri tu.

    KUCHING: Sarawak jampat nyingkang nuju tranformasyen digital ba pengawa lumba iya nya deka nyingkang ngagai sistem stadium pintar, pia ku Menteri Muda Nembiak enggau Lumba Datuk Snowdan Lawan.

    “Sarawak dipelaba deka nyadi nengeri keterubah di Malaysia ngagai transformayen digital ba kaling lumba iya enggau pengatur perengka guna lumba ngena sistem pintar teknologi tinggi ti deka ngenegapka agi penuduk iya nyadi palan kuasa lumba di menua tu,” ku iya rambau aum pengarang berita apin lama ke udah.

    Iya mega mantaika pengandal diri ba juluk deka dijapai enda lama  agi ke alai nengeri tu mega deka bisi palan lumba bepenyulut tinggi.

    “Kami chukup andal amat pasal pekara tu lalu Sarawak udah bisi semua ti patut dikena nyapai juluk iya nyadi kuasa besai lumba di menua tu, ke alai semua atlit bisi akses ti meruan agi ngagai perengka guna lumba kelas dunya di menua tu,” ku iya.

    Nitih ku iya, Sarawak deka nyadi pemungkal dalam sukut pekara netapka standard dalam lumba enggau main sereta mega pengatur perengka guna, bala atlit, peneleba diasaika peminat enggau pekara pengelikun berengkah enggau ngembuan pelasar standard ti integrasyen chuan penerang kereban, analisis penerang enggau teknologi bekenaka user-friendly interface.

    Ku iya, dia bisi mayuh stadium pintar udah dikemansang di serata menua baka di Amsterdam Arena di Netherlands, Allianz Riviera Stadium di Nice, France, Sports City Stadium di Doha, Qatar, Stadion Estadio Chivas di Mexico, Siena Stadium di Tuscany, Italy, Forest Green Stadium di England, Estadio da Luz, Lisbon di Portugal enggau Kansas City, Missouri, USA.

    Apin lama ke udah iya mega udah ngetuaika raban deligit ari Sarawak nemuai ngagai Korea Selatan enggau tuju pejalai deka nyerungkai awak kerejasama rat enggau menua ti dulu ngerandangTeknologi Pemadah enggau Arus Penyambung (ICT) enggau kompeni infrastruktur ba pengawa ngemansangka stadium pintar enggau sistem pengatur pengawa teknologi tinggi.

    Rambau penemuai sida kia, raban deligit nengeri bisi ngulu aum serayaka berandau enggau KT Global Business Group di indu opis dunya iya di Ringkat 17th, Begunana Gwang Hwamun di Seoul, Korea Selatan.

    Raban deligit mega bisi bejalai ngabas endur dikena ngatur 2018 Winter Olympics di Pyeongchang, Korea Selatan ke alai 2,952 iku atlit ari 92 bengkah menua deka bepekit dalam 102 pekit ari 15 macham lumba enggau penatai baru baka Malaysia, Singapore, Ecuador, Kosovo enggau Nigeria mega nguji nasit bepekit.

    Sama bisi datai rambau aum nya iya nya Sapit Sekretari Nengeri Datu Dr Sabariah Putit enggau Ketuai Pemesai Eksekutif (CEO) Korporat Lumba Sarawak Dr Ong Kong Swee.

    Ku Ong, pejalai nemuai ngagai Korea Selatan udah meri penemu chukup manah ba pekara lumba sains enggau teknologi tinggi kemaya hari ti dikena ngikap pengawa bekenaka teknologi digital enggau Virtual Reality (VR) ti nyangka deka dikemansang begulai di Sarawak.

    Snowdan enggau Ong bela udah baum enggau bala profesional di Institut Sains Lumba Korea nyengkaum Professor Young Ho Kim ke nyadi Ketuai Opis Sains Lumba di Seoul National University Of Technology And Science di Nowon-gu, Seoul.

    Antara pekara ti udah dipejurai sereta nyadi barang randau iya nya inisiatif kerejasama begulai ba pemansang pengemeran sains lumba ngagai penyulut bala atlit sereta mega pengawa begulai enggau Perintah Nengeri nengah Korporat Lumba Sarawak dalam pengawa numbuhka palan lumba bepenyulut tinggi di Sarawak.

    “Bisi awak ngagai kitai gawa rat begulai enggau bakih bekaul di Korea Selatan pulaika penguntung begulai lalu pekara beguna agi, kitai meseti udah sedia nerima transformasyen digital lumba enggau main ti nyadi jalai dikena nyapai juluk deka nyadi palan kuasa lumba,” ku Ong madah nyemetak. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads