Sarawak nengeri bepenatai pemisi tinggi ba taun 2030 - Berita Iban Online

Header Ads

  • Baru Nyadi

    Sarawak nengeri bepenatai pemisi tinggi ba taun 2030

    NGINTU HARI RADIO SEDUNYA: Abang Johari (tiga kiba) melah kek dikena ngingatka Hari Radio Sedunya ke diintu kena 13 Februari. Nyempulang iya, bini Kepala Menteri empu, Datin Patinggi Dato Jumaani Tun Bujang (keterubah ari kiba), bala sapit iya Datuk Amar Douglas Uggah Embas(tiga ari kanan), Datuk Amar Awang .Tenggah Ali Hasan (dua ari kanan) , Speaker Kunsil Nengeri Datuk Amar Mohamad Asfia Awang Nassar (keterubah ari kanan) enggau Direktor Palan Penabur enggau Multichannel Network Control Jamel Seman
    Kepala Menteri optimis juluk nya deka ulih dijapa nengah perambu strategik 12 taun Nengeri Sarawak.

    KUCHING: Kepala Menteri Datuk Patinggi Abang Johari Tun Openg optimis perambu strategik 12 taun Sarawak ulih nyapai tagit nengeri bepenatai pemisi tinggi nyerumba taun 2030.

    Ngenang silik ku iya, iya deka beratika pejalai perambu nya dalam timpuh satu ngagai dua taun tu.

    “Dalam setaun dua tu aku deka berati ni naka nya ulih dipejalaika. Tuju kuing kitai deka nempa Sarawak nengeri bepenatai pemisi tinggi datai ba taun 2030.

    “Kitai bisi 12 taun agi dikena nyapai juluk nya,” ku iya.

    Iya mansutka jaku nya maya segmen Begulai Enggau Kepala Menteri Sarawak di Auditorium P. Ramlee RTM Kuching ditu, malam ensanus.

    Bisi lebih 15 iti perambu strategik Sarawak udah dilanchar sekumbang 395 hari Abang Johari udah mangku pengawa nyadi ketuai nengeri nyengkaum Bank Pemansang Sarawak (DBOS), Petros, ekonomi digital, Transit Aliran Ringan (LRT) sereta penambah arus penyambung internet di mengeri enggau menua pesisir.

    Taja pia ku iya, ba pengawa ngemujurka perambu, nya enda deka lari ari betapi enggau pemar.

    Pekara ti beguna endar ku Abang Johari, chara mutarka nya patut ditemu lalu ngelala tunga tuju kuing sereta chara ngemujurka nya.

    “Dua pekara ke beguna endar dikena mutarka pemar ngemujurka perambu iya nya ngelala tuju kuing (ngaga polisi) enggau chara bejalaika nya (agih belanja),” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads