Sarawak nengeri ketiga pemadu mayuh neritka POCA - Berita Iban Online

Header Ads

  • Baru Nyadi

    Sarawak nengeri ketiga pemadu mayuh neritka POCA

    Dato Dev Kumar
    KUCHING: Ketuai Bagi Tasat Jenayah (JSJ) Polis Sarawak SAC Dato Dev Kumar madah polis Sarawak ba taun 2017 udah neritka Akta Pencegahan Jenayah (POCA) ba 130 iku orang.

    Ku iya, Sarawak nyadi kontinjen polis ketiga pemadu mayuh neritka POKA nangkanka Selangor enggau Johor.

    ‘Tu entara kebuah pengawa jai di Sarawak nurun ketegal semua orang ti bagas beserungkaika rumah enggau enchuri entukar udah ditangkap.

    “Sida ke enda ulih didawa di kort, kitai neritka POCA iya nya dibuai ke menua bukai tauka dipasuk ba palan endur ngenan,”ku Dev.

    Iya mansutka jaku nya ba aum pengarang berita di Mes Pemesai Kanan, IPK Sarawak ditu, kemari.

    Dulu agi ari nya, Dev ngemata Pengawa Nyerah Pangku  Pengawa Sapit Ketuai Bagi Tasat Jenayah IPK Sarawak.

    Nitihka penerang Dev, polis udah nangkap mayuh raban ke bagas beserungkai rumah enggau enchuri entukar.

    Sekeda nya ku iya ngakun bisi kaul ba 20 tauka 30 kes dalam timpuh dua taun tang nadai bukti ulih nawa sida ba kort.

    “Ketegal pemar ba pekara nya, polis neritka POCA ba sida ke ditangkap,’ku Dev seraya madah ba taun 2016, 30 iku orang diteritka nengah POCA.

    Iya nambah, juluk JSJ Sarawak taun tu iya nya ngemunas orang jai ba kandang mengeri.

    Ku iya polis keran deka ngurangka penyampau orang jai nengah chara nangkap lalu nawa ba kort.

    Enti enda ulih didawa, kitai neritka POKA, tandu Dev. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads